Озгъан ыйыкъда Эресейни Федерал казначействосуну Къарачай-Черкес Республикада управлениесинде къууанч джыйылыу болду.

Джыйылыугъа Федерал казначействону тамадасыны орунбасары Михайлик Александр, Къарачай-Черкес Республиканы Правительствосуну Председателини орунбасары Сюйюнчланы Мурат, КъЧР-ни Башчысыны эмда Правительствосуну Администрациясыны тамадасыны биринчи орунбасары Хубийланы Марат, Шимал Кавказ федерал округда финанс джаны бла регионла арасы къуллукъну тамадасыны орунбасары Сметанин Максим, Федерал казначействону Къарачай-Черкесияда управлениесини бёлюмюню тамадасы Дотдайланы Юрий, КъЧР-ни Баш федерал инспектору Макоев Тимур, КъЧР-ни Халкъ Джыйылыууну (Парламентини) депутаты Хубийланы Хасан, казначействону район бёлюмлерини тамадалары эмда ишчилери, журналистле келген эдиле.
Къууанч джыйылыуну хошкелди сёз бла Федерал казначействону Къарачай-Черкесияда управлениесини тамадасы Дотдайланы Юрий ачды.
Джыйылыуда 2023-чю джыл управлениени иш эсеблерин чыгъарыб, бу санагъатда кёб джылланы урунуб, джетишимле этгенлени атларын белгили этдиле. Алагъа сый, махтау бериб, бу санагъатны ёсюмюне уллу къыйын салгъанлары ючюн саугъаладыла.
Бу джыл Юйдегини джылы деб баямланнганы себебли, казначействону къуллукъчулары да байрамгъа юйдегилери бла келген эдиле. Аланы араларында Бытдаланы Фатима, Алчакъланы Диана, Орусланы Мадина, Байрамкъулланы Софья, Шунгарланы Мурат, Тешеллеуланы Таулан, Хубийланы Мадина, Къазанлыланы Лидия, Батчаланы Анзор, Семенланы Мухтар, Абайланы Шамил, Боташланы Лариса, Каппушланы Фатима, Биджиланы Науруз, Орусланы Къазий, Элкъанланы Мурат, Семенланы Арафат бу санагъатда кёб джылланы халал уруннганлары ючюн, медалла бла саугъаландыла. Федерал казначействону тамадасыны орунбасары Михайлик Александргъа да КъЧР-ни Башчысыны эмда Правительствосуну Администрациясыны тамадасыны биринчи орунбасары Хубийланы Марат республиканы Башчысыны атындан Бюсюреу къагъытны берди. Башында сагъынылгъаныча, быйыл Юйдегини джылы болуб баямланнганы себебли, алгъышланнган ишчилени сабийлерин да къуру къоймадыла.
Джыйылыуну аягъында Дотдайланы Юрий келгенлеге джюрек разылыгъын билдириб, бу санагъатда ишлегенлеге саулукъ-эсенлик теджеб, ала мындан ары да управлениени ишин андан да мийик дараджагъа чыгъарырлай кюрешириклерине ышаннганын айтды.

БАТЧАЛАНЫ Фатима.