Оюлургъа боллукъ эски юйледен 2027-чи джылгъа дери Къарачай-Черкесияда 1126 адам джангы мекямлагъа кёчюрюллюкдю.

Быйыл план бла белгиленнгенине кёре, джараусуз юйледен 170 адамны чыгъарыр мурат барды. Бютеулей да аланы уллулукълары 2790 квадрат метрди.
Айтыргъа, Къарачай-Черкесияда джараусуз юйледен 2023-чю – 2026-чы джылланы ичинде 39 кёб этажлы юйден 1126 адамны кёчюрлюкдюле. Къолайсыз юйлени биргелей уллулукълары 15233 квадрат метр болады.
Бу уллу социал магъаналы джумушну юсюнде бир затха айырыб эс бёлюрге тыйыншлыды. Айтыргъа, 2019-чу - 2025-чи джыллада оюлургъа боллукъ юйледен адамланы кёчюрюуден план артыгъы бла толгъанды. Бюгюнлюкде 2023-чю – 2026-чы джыллагъа джангы программа джарашдырылыб, аны джашаугъа сингдириу барады. Къарачай-Черкесияда 2022-чи джыл башил (январь) айны 1-не бютеулей да уллулугъу 15,2 минг квадрат метр болгъан 39 кёб этажлы юй джараусузгъа саналгъанды. Ол мекямлада джашагъан адамланы саны да 1126 болгъанды.
Озгъан джылда 298 адам регионда кесини юй болумун игилендиргенди. Ол адамла 4,5 минг квадрат метр фатарны алгъандыла. Аланы эски юйледен чыгъарыб, джангы мекям алыргъа къолларына ачха бергендиле