Къарачай-Черкесияны агропромышленность комплексини хурметли ишчилери, санагъатны алчылары бла ветеранлары!
Сизни санагъат байрамыгъыз бла - Эл мюлкде эмда джарашдырыучу промышленностда уруннганланы кюню бла - таза джюрекден алгъышлайбыз!
Эл мюлк, промышленность эмда туризм санагъатла бла бирге, республиканы экономикасыны баш санагъаты болгъаны, элчилени джашау дараджаларын белгилегени себебли бу байрамны бизни республикагъа магъанасы уллуду. Адамланы тыйыншлы уруннганлары бла продукция чыгъарыуну, аны агъачлылыгъыны дараджасы ёсгенин, санагъатда джангы технологияла сингдирилгенлерин кёребиз. Къарачай-Черкесия къралны продукция бла баджарыугъа, импортозамещение бла байламлы ишлени толтуруугъа тыйыншлы юлюш къошады.
Къарачай-Черкесияны агропромышленность санагъатында терек бачхачылыкъ, малчылыкъ, тахта кёгетле ёсдюрюу бла байламлы джангы инвестиция проектле толтурулгъанлары бек къууандырады. Джангы предприятиеле ачыладыла, иш орунла къураладыла. Ол затланы элледе джашагъанланы социал болумларын игилендириуде магъанасы уллуду.
Быйыл РФ-ны Эл мюлк министерствосуну болушлугъу бла эл мюлк продукция чыгъаргъанлагъа кёлтюргючлюк этиуню джангы мадарлары къуралгъандыла, инвестиция проектлени толтурууну тамалында тюрлю-тюрлю льготала да бардыла. Санагъатны ёсюм алыб баргъаны бла бирге, эллени айнытыугъа да эс бёлюнеди – коммунал инфраструктура джангыртылады, социал учреждениеле къураладыла.
Эл мюлк санагъатда уруннган багъалы джердешлерибиз! Барынга да кючлю саулукъ, игиликле, хар башлагъан ишигизде джетишимле теджейбиз. Сизни ишигизни республикагъа, Эресейге да магъанасы уллуду.
Къарачай-Черкес Республиканы Башчысы
Темрезланы Рашид
Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.
