Мындан алда Черкесскеде «Молодой защитник Отечества» деген ат бла спортну аскер кюрешлеринден бардырылгъан республикан конкурсну финалы болгъанды. Патриотлукъгъа юретген ол уллу иш Сюдю приставланы кюнюне аталыб къуралгъанды. Ары регионну кючлю джаш тёлю аскер-патриот клубларыны адамлары джыйылгъандыла.

Ол конкурс программа талай аскер-практика магъаналы ишден къуралгъанды. Анда кюч бла толтуруучу органланы къуллукъчулары, сыйлы къонакъла болгъандыла. Ала эришиулени бардырыугъа да тири къошулгъандыла.
«Конкурсчула, талай номинацияда эришгендиле. Сауут-саба бла тюз атышыуда «Пластун» деген ВПК 1-чи, «Юность» ВПК 2-чи, «Ураган» ВПК 3-чю орунланы алгъандыла. Сауут-сабадан дженгил атыуда «Юность» ВПК хорлагъанды. 2-чи оруну «Пластун» ВПК алгъанды. 3-чю орун «Ураган» ВПК-гъа джетгенди. АК-74 автоматны чачханда, джыйгъанда «Ураган» ВПК 1-чи, «Патриот» отряд 2-чи, «Пластун» ВПК 3-чю орунланы алгъандыла.
Эришиулени хар биринде командаланы тириликлерине ахыр багъа берилиб, Къобан райондан «Ураган» ВПК 1-чи, «Пластун» деген къазакъ ВПК 2-чи, Хабез райондан «Патриот» отряд 3-чю болгъандыла», – деб билдиргендиле Сюдю приставланы федерал къуллугъуну КъЧР-де управлениесинде.
«За Волю к Победе» деб иш этиб къуралгъан номинацияда «Юность» ВПК белгиленнгенди. Ол тёзюмлюлюк, джигерлик, тирилик, хорламгъа учунмакълыкъ кёргюзгенди.
Эришиуледе хорлагъанлагъа, ёчлю орунланы алгъанлагъа кубокла, медалла, грамотала берилгендиле.

Узеирланы Хусей.

 
{jcomments}