Мындан алда Къарачай-Черкес Республиканы спортчулары Хабаровск шахарда спортну тхэквондону ГТФ тюрлюсюнден бютеу Эресей дараджада бардырылгъан эришиулеге къошулуб, 6 майдал алгъандыла.

«15-17 джыл болгъан джаш адамланы арасында 76 килограмм ауурлукъда Эриккенланы Карим хорлаб, 2 алтын майдал алгъанды. Эриккенланы Камиль да 70 килограмм ауурлукъда биринчи орунланы алыб, 2 алтын майдалгъа ие болгъанды», – деб билдиргендиле КъЧР-ни Физкультура бла спорт министерствосунда.
Чыпчыкъланы Амаль да 12-14 джылгъыланы арасында 65 килограмм ауурлукъда ёчлю орунлагъа чыгъыб, кюмюш эмда джез майдалла алгъанды.
Турнирни кёзюуюнде, 2027-чи джыл тхэквондону ГТФ тюрлюсюнден Эресейни чемпионатын бардырыргъа эстафетаны, къууанч халда, Къарачай-Черкесиягъа бергендиле. Аны Тхэквондону ГТФ тюрлюсюню регионал федерациясыны президенти, республиканы джыйым командасыны баш юретиучюсю Гочияланы Исхакъ алгъанды.

Алчакъланы Хусей.

 
{jcomments}