Бу кюнледе «Б» лиганы 20-чы туруну 1-чи къауумунда Черкесскени «Нарт» футбол клубу «Рубин Ялта» команданы 2:0 эсеб бла хорлагъанды. Эришиуле «Нарт» стадионда ётгендиле.

Элия (июль) айны 25-ден 27-не дери Монголияны ара шахары Улан-Баторда дзюдодан «Большой шлем» къауумну эришиулери ётгенди. Ол Дзюдону халкъла арасы федерациясыны эм магъаналы эришиулерини бирине саналады. Анга къошулуб, 28 къралдан 266 спортчу тюрлю-тюрлю ауурлукълада кючлерин сынагъандыла.