Къарачай-Черкесияны районларында джангы спорт майданланы къурулушлары бардырылады.

Сёзден, «Развитие физической культуры и спорта» деген кърал программаны тамалында быйыл республикада тёрт «акъыллы» эмда ГТО-ну мардаларын толтурургъа мадар берген юч спорт майдан ишлене турады.
Бюгюнлюкде Элтаркъач элде ГТО спорт майданны къурулушу тамамлана кетгенди – спорт оборудование салына турады. Черкесск шахарда спорт майданнга тренажёрла, башха керекле берилгендиле. Грушка хуторда орналгъан ГТО спорт майданны къурулушу толусу бла тамамланнганды. Аны бла бирге Псыж, Эркин-Халкъ, Садовое, Къызыл-Юрт элледе «акъыллы» спорт майданланы къурулушлары барады. Бу объектлени барын да джылны аягъына хайырланыугъа берир мурат барды.
«Развитие физической культуры и спорта» деген кърал программа толтурулуб башланнганлы республиканы джер-джеринде 86 спорт майдан ишленнгенди. Алай бла, адамла джашагъан джерлеринден узакъ болмай физкультура эмда спорт бла кюреширча мадар табхандыла. Артыкъсыз да, гитчерек эмда узагъыракъ орналгъан эллеге эс бёлюннгенди. Джангы спорт майданла хайырланыугъа берилселе, Къарачай-Черкесияда спорт бла кюрешгенлени саны аслам боллукъду.

 
{jcomments}