Къарачай-Черкес Республиканы Муслиманларыны дин управлениеси 2027-чи джылда хаджиликге барыргъа излегенлени хазырлау башланнганын билдиреди.

Хаджиликге барыргъа излегенле 2026-чы джыл аууз-герги (октябрь) айны 1-ден эндреуюк (декабрь) айны 25-не дери къагъытларын (документы) берирге боллукъдула.
Бютеулей да хаджиликге барлыкъ адам 6100 доллар джоярыкъды. Ол ачха хаджилик-виза, самолётха билет, трансфер, джашау турмуш, 3 кере ауузланыу, медицина страховка, къурман мал дегенча ишлеге джоюллукъду.
Джоюмлагъа бериллик ачханы 2026-чы джылны эндреуюк (декабрь) айыны 25-не дери бёлюб-бёлюб берирге да боллукъду.
Орун (бронь) алыр ючюн быллай къагъытла керекдиле:
– тыш къраллы паспорт 10 джылны хайырланыу болджалы болгъан;
– Эресейни адамы болгъанына шагъатлыкъ этген паспортну копиясы.
Хапар билирге эмда хаджиликге барлыкъланы тизимине джазылыргъа излеген толу хапарны бу телефон номерле бла билирге боллукъду: 89283932757 (Ансар); 89886111001 (Руслан); 89054228888 (Хызыр); 89373613952 (Махмуд); 89283876868 (Нюрислам); 89632852150 (Марат).
Къарачай-Черкесияны хурметли адамлары! Къагъытларыгъызны алгъаракъдан джарашдырыб, эсебге заманында тюшерге кюрешигиз.
Хаджиликге барыу сыйлы дин джолоучулукъду эмда ислам динни 5 фарызыны бириди.
Аллаху Тагъала хаджиликге баргъанланы джолларын тынч, къуллукъларын къабыл этсин!

 
{jcomments}