Межгитледе джума намазда окъулуучу ауазланы (хутбаланы) былтырдан бери газетибизде аз-аз басмалаб барабыз. Окъуучуларыбызны излемлерин, дин башчыланы да эркинлик бергенлерин эсге ала, ол ишибизни мындан ары да тохтатмазгъа деб турабыз. Бюгюн да аланы бирин басмалайбыз.

Махтау Аллахха – Дунияланы Иесине. Биз Анга махтау салабыз, Андан болушлукъ излейбиз, кечмеклик да тилейбиз.
Эй, Аллахны къуллары! Аллахдан къоркъугъуз тыйыншлы халда. Эмда билигиз: билим – ол джюреклени джарытхан, ийманны къатдыргъан, адамны аджашмакълыкъдан, ишеклиликден, хакъ джолдан таймакълыкъдан сакълагъан нюрдю. Сагъыш бир этигиз: джолну билмегенлей адам къайры барлыкъды? Ол алджаб, тёгерек айлана туруб, джолдан чыгъыб кетеди, кеси да эсгермегенлей. Билимсиз къалгъан джан да алайды – кёзю джана тургъанлыкъгъа, джол тюзетелмей, къарангыда айланыб турады.

Тазалыкъ эмда ариулукъ ислам динни тамалларыны, башхаракъ айтсакъ, баш шартларыны биридиле. Бу темагъа хар муслиманлы кюн сайын тюртюлгенлей джашайды, нек десенг ислам – ол джорукъну, тазалыкъны, тамамлыкъны (совершенствону) диниди.

Дунияланы Иесине – Кесини къулларына хар затны тазасын эркин этген, хар аман затны уа харам этген Уллу Аллахха – сансыз-санаусуз махтаула болсунла.

Дунияланы Иеси, Уллу Аллахха махтау!
Биз Анга шукур этебиз, Андан болушлукъ излейбиз, кечмеклик да тилейбиз, кесибизни терсликлерибизден, джаман къылыкъларыбыздан къутулуу мадарланы излеген сагъатда да Анга таянабыз.