Къыркъаууз (сентябрь) айны 22-ден аууз-герги (октябрь) айны 12-не дери «ИИ-агенты» деген темагъа биринчи цифра дерс бардырыллыкъды.
Дерсни Сбербанкны «Вклад в будущее» деген сууаблыкъ фонду «Сберни» эмда «GigaChat» команданы болушлукълары бла къурагъанды. Проектни джыл сайын «Цифровая экономика» АНО Эресейни Цифра ёсюмюню эмда Билим бериу министерстволарыны джакълыкълары бла толтурады. Ол «Экономика данных и цифровая трансформация государства» деген миллет проектге кёре къуралгъан «Кадры для цифровой трансформации» деген федерал проектини тамалында джарашдырылгъанды.
ИИ-агентле джалгъан ангыгъа (искусственный интеллект) ёсюм алдырадыла. Ала джалгъан ангынгы тюз мадардан адам тохтаусуз контроль этиб турмазча болушчу этедиле. Бюгюнлюкде ала тюз программаладан цифра «ишчилеге» дери джетгендиле. ИИ-агентле кодла джазадыла, суратла къурайдыла, информацияны тинтедиле. Къысхасы бла айтыргъа, ишни автомат халда баджарадыла. Анга аталгъан дерслеге къошулгъанла келир заманны усталыкълары бла танышырыкъдыла, ИИ-агентледен, аланы ишде хайырландырыудан, цифра дуния къалай къуралгъанындан хапарлы боллукъдула.
Дерсни программасы сабийлени джылларына кёре юч къауумгъа – 1-чи – 4-чю класслагъа, 5-чи – 9-чу класслагъа, 10-чу – 11-чи класслагъа – юлешиннгенди. Сабийле дерсге тынч къошулурча аны телефон приложениеси да къуралгъанды.
Цифра дерсге https://datalesson.ru/ai-agents ссылка бла къошулургъа боллукъду.
(БИЗНИ КОРР.).




