Социал фондну Къарачай-Черкесияда бёлюмюню къуллукъчулары СВО-да болгъан аскерчилерибизге не джаны бла да болушлукъ табдыргъанлай турадыла.

Бёлюмню ишчилери аскер сетле эшедиле, чындайла этедиле, зыраф болмазлыкъ, ашарыкъ затла хазырлайдыла. Алай бла, аскер къаугъа бардырылгъан джерлеге да, госпиталгъа да посылкала джыйыб ашырадыла.
Социал фондну республикада бёлюмюню къуллукъчулары бу джол аскерчилеге 13 коробка гуманитар болушлукъ ийгендиле. Алада кийимле, бет, къол, юс джуугъан затла, ашарыкъ продуктала болгъандыла.
«Бизни былай этгенибизни, къоруулаучуларыбызгъа терен магъанасы болгъанын ангылайбыз. Хар ийилген зат, къуру посылка болуб къалмай, биз аланы эсибизде тутханыбызны, ала бла ёхтемленнгенибизни билдиреди», – дегенди СФР-ни КъЧР-де бёлюмню Джаш советини алчысы Софья Савина.
Социал фондну Къарачай-Черкесияда бёлюмюню бютеу коллективи бизни къоруулаучуларыбызгъа болушуу хар адамны сыйлы борчу болгъанын толу ангылайды. Биз аны ючюн, алагъа терен эс бёлебиз. Аланы ётгюрлюклери, джау бла джигитлик танытыб сермешгенлери саулай къралыбызны бирикдиреди.

Шаганова Анна,
Эресейни Социал фондуну КъЧР-де бёлюмюню СМИ-ле бла ишлеген къауумуну тамадасы.

 
{jcomments}