Мындан алда Къарачай-Черкес Республикада, Уллу Хорламны 80-джыллыгъына эмда Черкесск шахаргъа 200 джыл толгъанына атаб, «Динамо» физкультура-спорт бирлешликни къурамына кирген сауутлу структураланы арасында аркъан тартыудан эришиуле болгъандыла.
Анга къошулгъан командаланы арасында Эресейни МЧС-ни Къарачай-Черкесияда Баш управлениесини командасы 1-чи орунну алгъанды.
«Спорт эришиуле шохлукъну тамалында мийик дараджада ётдюле. Ойнагъанла, алагъа джан аурутханла да, биригиб, хал иги эди. Ол ишге къошулгъанла кеслерини тёзюмлюлюклерин, кючлерин, бирикмекликлерин кёргюздюле», – дейди Эресейни МЧС-ни КъЧР-де Баш управлениесини пресс-къуллугъу.
Эришиуле бошалгъандан сора хорлагъанлагъа кубокла, медалла, хурмет грамотала берилгендиле.
Бу ашхы турнирни «Динамо» деген физкультура-спорт бирлешликни республикан совети къурагъанды.
Алчакъланы Хусей.




