Мындан алда Алушта шахарда белибаула бла тутушдан Эресейни кубогу ючюн бардырылгъан эришиуледе Къарачай-Черкесияны келечилери атларын махтау бла айтдыргъандыла.

Ол эришиулеге бютеу къралдан, тюрлю-тюрлю ауурлукълада 200 спортчу къошулгъанды.
Аланы арасында бизни республиканы гёджеблери – Суюнбайланы Ахмат 57 килограмм ауурлукъда, Болатчыланы Шамиль 68 килограмм ауурлукъда, Муссалайланы Арсен 100 килограмм ауурлукъда хорламлы болуб, алтын медалла бла саугъаланнгандыла.
Батдыланы Шамиль 62 килограмм ауурлукъда, Къалаханланы Ахмат 75 килограмм ауурлукъда, Ачабайланы Алан 82 килограмм ауурлукъда кюмюш медалла алгъандыла.
Къасайланы Амин 57 килограмм ауурлукъда, Семенланы Салим 82 килограмм ауурлукъда, Аджиланы Расул 90 килограмм ауурлукъда джез медалланы иелегендиле.
Биринчи, экинчи орунланы алгъан спортчулагъа Дунияны кубогу ючюн бардырыллыкъ эришиулеге къошулур мадар табылгъанды. Ол аууз-герги (октябрь) айда Новочебоксарскеде бардырыллыкъды.
Алайды да, Къарачай-Черкесияны саугъа хазнасы 9 медалгъа байыннганды. Алчы орунланы алгъан 6 джердешибизге да Дунияны кубогу ючюн бардырыллыкъ эришиулеге къошулургъа джол чыкъгъанды.
Джетишимли спортчуланы Боташланы Руслан, Хапаланы Ислам, Акъбайланы Ансар, Лайпанланы Дахир, Лайпанланы Биаслан, Юрий Мелекеров юретедиле.

 
{jcomments}