Туризм санагъатда Шимал Кавказ федерал округну Иш бериучюлерини бирлешлиги билдиргенден, ишчиле джетишмейдиле. 2029-чу джылгъа дери Шимал Кавказ федерал округну туризм индустриясына 14 минг уста керек боллукъду.

Бюгюнлюкде Шимал Кавказ федерал округну туризм санагъатында – Терк Башы Тегейде, Дагъыстанда, Къарачай-Черкесияда – юч кластер ишлейди. Ставрополь крайда 5,8 минг, Дагъыстанда 3,8 минг, Чеченде 1,4 минг адам джетмейди. Тинтиуле билдиргеннге кёре, ала джетишир ючюн, хар регион да, устала хазыр-
лагъан программаланы тыйыншлысыча толтуруб, кадрла хазырларгъа керекди. Бусагъатда туризм санагъатха эм бек керек болгъан устала – шапала, официантла, къонакъбайлыкъ этиучюле, джер-суу кёргюзе, джол устала (проводник).
Шимал Кавказ федерал округда тау-лыжа курортла «Мамисон», «Домбай», «Архыз», «Эльбрус», «Каспийский прибрежный кластер» ол джаны бла эм онглудула, деб айтылады отчётда.
Туризм санагъатда Иш бериучюлени бирлешлигини келечилери, бу кемликлени къурутур ючюн, регионланы, баш окъуу заведениелени администрациялары бла тюбешедиле, тыйыншлы ишле бардырадыла. Аллай магъаналы джумушла Терк Башы Тегейде, Дагъыстанда, Чеченде этилгендиле. Бу джаны бла Иш бериучюлени бирлешлигини ишине талай джангы организация къошулгъанды. Аланы арасында «Мамисонская долина», «Ирбис», «Альпака», «Ведучи», «Мамисон» дагъыда башхала бардыла.
Иш бериучюлени бирлешлиги Шимал Кавказ федерал округну туризм санагъатына кадрланы джетишдирир муратда быйыл къуралгъанды. Ол Шимал Кавказ федерал округну иш бериучюлери бла предпринимателлерин бирикдиргенди. Аны Кавказ.РФ бла Терк Башы Тегей кърал сатыу-алыу колледж къурагъандыла. Ол проектни тамадасы Валерий Абиевди.
Бу бирлешлик, регионну джеринде туризм санагъатны уста ишчиле бла баджара, кёб тюрлю иш бардырлыкъды. Ол ишге регионал, федерал дара-
джада белгили турист компанияла, окъуу учреждениеле, кърал органла, джамагъат бирлешликле да къошуллукъдула.

Кавказ. РФ-ны пресс-къуллугъу.