Мындан алда Эресейни МВД-ны «Адыге-Хабль» бёлюмюню кърал инспекциясы бла ОУУП, ПДН къуллукъларыны келечилери сабийле бла «Административная и уголовная ответственность» деген темагъа джолда къоркъуусузлукъну бегитиуге аталгъан профилактика ишле бардыргъандыла.

Ала, джолда джюрюуню джорукъларын эсгерте, сохталагъа алгъан билимлерин джашауда кюн сайын хайырландырыргъа юретгендиле. Сабийлени сорууларына джууаб бере, ала бла ангылатыу ушакъла бардыргъандыла.
Андан сора, кёб болмай Садовый элни орта школуну сохталары бла джолда сакъ джюрюуню юсюнден сёлешиб, джаяу джюрюген, аякъ машиналаны, самокатланы хайырландыргъан сабийлеге джорукъланы сакъларгъа кереклисин айтыб ангылатхандыла. Сабийле машина джолда самокат бла неда аякъ машина бла барыргъа, джолну джанында ойнаргъа тыйгъыч салыннганын ангылагъандыла. Профилактиканы кёзюуюнде «Нет наркотикам», «Интернет-мошенники» деген темалагъа да уллу эс бёлюннгенди.
Башында сагъынылгъан тыйыншлы органланы, къуллукъланы келечилери Ногъай эмда Адыге-Хабль районланы окъуу учреждениелерини барында да быллай профилактика ишле бардырыр муратлыдыла.

Катаганова Г.,
Эресейни МВД-ны «Адыге-Хабль» бёлюмюню кърал инспекциясыны пропагандадан инспектору полицияны майору.