Къарачай-Черкесияда «Халкъ участковый – 2025» деген бютеу Эресейде конкурсну биринчи сайлау кёзюую башланнганды. Алайды да, республиканы джамагъаты полицияны эм иги уполномоченный участковыйы ючюн чёб атаргъа боллукъду.

Конкурсну биринчи кёзюуюне Эресейни Ич ишлерини министерствосуну регионал бёлюмлерини район дараджада келечилери къошуллукъдула. Конкурсха къошулгъанланы ичлеринде эм игилерин сайлау 2025-чи джыл къыркъаууз (сентябрь) айны 11-ден 20-на дери барлыкъды.
Адам кеси джаратхан кандидатына, иш этиб джарашдырылгъан соруу модулда ссылка этиб, чёб атаргъа боллукъду.
Къарачай-Черкесияда джашагъан адамланы барысын да чёб атыугъа тири къошулургъа чакъырабыз.
Сайлауланы экинчи кёзюую (туру) 2025-чи джыл аууз-герги (октябрь) айны 7-ден 16-на дери ётерикди. Хорлагъан уполномоченный участковый эришиулени ючюнчю кёзюуюне къошуллукъду. Ол онлайн халда быйыл абыстол (ноябрь) айны 1-ден – 10-на дери бардырыллыкъды – Эресейни Ич ишлерини министерствосуну сайтында неда министерствону информацион партнёрунда. Алай бла, Бютеуэресей конкурсда хорлаб, «Халкъ участковый» атха ие болгъан белгиленникди.

КъЧР-ни Ич ишлерини министерствосуну пресс-къуллугъу.