Къыркъаууз (сентябрь) айны 14-де Къарачай-Черкесияны бир къауум муниципалитетлеринде бош болгъан орунлагъа депутатла сайланныкъдыла.

Гитче Къарачай районда Джагъа элни Депутат советине 1-чи номерли бир мандатлы округдан, Джёгетей Аягъы районну Гюрюлдеуюк элини Депутат советине 4-чю, 7-чи, 8-чи округладан, Джёгетей Аягъы шахарны Депутат советине да 12-чи округдан депутатла сайланыргъа керекдиле. Чёб къуру бир кюнню ичинде атыллыкъды.
Ол 5 округда бирер мандатлы орунлагъа депутатлыкъгъа 14 кандидат эсебге тюшюрюлгенди. Аланы 5-си «Бирикген Эресейни», 4-сю КПРФ-ни, 1-и «Социальная адаптация» деген политика партияны келечилеридиле.
4 кандидат сайлаулагъа кеси излемлери бла къошулгъандыла.
Сайлауланы къурау бла Гитче Къарачай эмда Джёгетей Аягъы районланы сайлау комиссиялары бла 150-чи, 216-чы, 231-чи джергили комиссияла кюрешедиле.