2025-чи джылда спорт секциялагъа, хунерлик студиялагъа, техника, академия эмда илму билим берген кружоклагъа, айтыргъа, къошакъ билим берген джерлеге джюрюген сабийлени саны 65 мингнге джете кетгенди.

Ол республикада сабийлени 80 проценти чакълы бирди. Аны хакъындан КъЧР-ни Башчысы Темрезланы Рашид кесини социал сетлеринде джазгъанды.
– «Хар сабийни джетишими» деген федерал проектни кючю бла къошакъ билим алыргъа тырмашхан сабийлени саны ёсгенди. Республиканы районларында заманны излемине джууаб этген къошакъ билим берген аралыкъла ачылгъандыла, спортха, суратлау-чемерликге, патриотлукъгъа, театрал санатха багъышланнган къошакъ билим берген аралыкъланы саны бюгюнлюкде 36-дан атлагъанды. Ала бла бирге 20 мингден аслам къошакъ билим берген джангы орун ачылгъанды. Къуру озгъан джыл – 3,5 мингден аслам орун.
Бу аралыкъла джангы оборудование бла баджарылгъандыла, къошакъ билим бериу сау джылны юзюлмегенлей барады, айтыргъа, джай айлада да. Джангы окъуу джылда кружоклагъа, секциялагъа да энтда кёб джангы сабий джюрюб тебреригине ишегим да джокъду. Ол аралыкъланы сабийле джаратырыкъларын излеб, къолубуздан келген таблыкъланы барысын да этгенбиз, – деб джазгъанды республиканы Башчысы Темрез улу.

 
{jcomments}