Черкесск шахарны прокуратурасы джыллары джетмегенлени юсюнде закон къалай толгъанын тинтгенди.
Бардырылгъан тинтиулени кёзюуюнде 6 сабийни анасы, 38 джыл толгъан джергили джашагъан бир тиширыу, кесини ана борчун толтурмагъаны, саулукъларына, тин, иннет ёсюмлерине эс бёлмегени ачыкъланнганды. Аны юсюне да ол тиширыу аракъыгъа башын салгъанлай турады.
Ачыкъланнган болумгъа кёре, къагъыт джазылыб, тинтиу органлагъа берилгенди.
Ала къараб тинтгенден сора, ол тиширыугъа РФ-ны Терслеу кодексини 156-чы статьясына кёре, терслеу иш ачылгъанды.
{jcomments}




