Кимге да терк болушлукъ джууукъда орналгъан медицина учреждениеде этиледи. Алай болса да, ОМС бла хакъсыз медицина болушлукъ табар ючюн поликлиникада эсебге тюшерге (прикрепление этерге) керексиз.
ОМС системада ишлеген саулукъ сакълау учреждениелени тизими бла кесигизни страховой организациягъызда неда ОМС-ни джергили фондунда шагъырей болур мадар табарыкъсыз. Ол тизимден кесигизге таб учреждениени сайлаб, эсебге тюшерге боллукъсуз.
Джашагъан джеригизден башха джерге кёчсегиз, андагъы поликлиникада эсебге тюшерге тыйыншлыды.
Эсебге тюшюу бу джумушланы баджарыр ючюн керекди:
– врачны юйге чакъырыргъа;
– поликлиникада врачлагъа барыргъа;
– больничный джарашдырыргъа;
– диспансеризацияны неда профосмотрланы ётерге;
– сакъатлыкъ бла байламлы справкаланы, выпискаланы алыргъа;
– ауруулары болмагъанына шагъатлыкъ этген справканы алыргъа;
– рецептле джазаргъа;
– льгота халда дарманла алыргъа;
– ишге киргенлеге къагъытла джарашдырыргъа.
Эсебге къаллай бир адам тюшгенине кёре медицина учреждениеле врачланы эмда башха медицина къуллукъчуланы иш заманларына джарашдырадыла, дарманла-зат къаллай бир кереклисин белгилейдиле, джамагъатны саулугъуна къарагъанлай турадыла, врач кюннге къаллай бир адамгъа къараргъа кереклисин бегитедиле.
Адам поликлиникада эсебге тюшмесе да, медицина болушлукъ табаргъа эркинлиги барды. Алай а болушлукъ толу этилмейди. Къыйын болумлада неда бир кере хапар билир ючюн ОМС полис бла поликлиникаланы къайсысына болса да барыб, биринчи болушлукъ табаргъа боллукъду.
Алай болса да, эсебге тюшмеген адамны врачха джазмазгъа, юйге врач чакъырыу излемни толтурмазгъа, диспансеризацияны бардырмазгъа, рецептле бла справкала джазмазгъа поликлиниканы эркинлиги барды.
ОМС-ни Къарачай-Черкесияда джергили фонду.




