Озгъан джылны алты айыны ахыр эсеблери кёргюзгенден, «Дамате» Къарачай-Черкес Республиканы джеринде болгъан заводундан экспортха 900 тонна аламат къой эт ашыргъанды. Бу озгъан джылны ол кёзюуюнде кёргюзюмледен эки кереге кёбдю.

Башында айтылгъаныча, къой этни продукциясын «Дамате» Черкесскеде Эресейни эм уллу заводларыны биринде чыгъарады. Бусагъат заманны излемине толу джууаб берген бу ашхы заводну кючю къыйналмагъанлай, асыулу продукцияны чыгъарыб, аны экспортха ашырырча мадар береди. Ол иш къой эт экспорт джаны бла ашхы хайыр келтирирча мадар къурайды.
Джылны озгъан алты айында къой эт асламысына Ираннга ийилгенди. Кёбюсю Джууукъ Востокну базарларына, аланы ичинде Сауд Аравиягъа баргъанды. Компанияны эм баш иши продукцияны «халал» стандартха тыйыншлы этиб ашырыуду.
«Дамате» Эресейде биринчи болуб, 2021-чи джыл «халал» деген къралла арасы стандартны кийиргенди. Аны кючюнден компания продукциясын, 2023-чю джылдан башлаб, муслиман къраллагъа да иерча мадар табханды.
2024-чю джыл Черкесскеде заводдан экспортха эт ийиу 4 кереге ёсгенди.

Узеирланы Хусей.

 
{jcomments}