Гитче Къарачай районну прокуроруну тамада болушчусу Кристина Макарова «Движение Первых» деген организацияны келечилери бла, районну 18 кибедружинасыны тамадалары да къошулуб, 2025-чи джыл къыркъар (август) айны 6-да «В безопасности» деген информацион компанияны тамалында джыллары джетмегенлени арасында профилактика ишле бардыргъанды.
Прокуратураны келечиси кибер-дружина волонтёр къозгъалыуланы тамадаларына, тири ишлеген келечилерине «Интернет» сетде айланнган осал затланы заранлыкъларыны юслеринден, аладан къалай сакъланыргъа боллугъуну хакъындан хапар айтханды.
Тюбешиуде информация джаны бла къоркъуусузлукъну сакълауну юсюнден сёлешинди.
«Движение Первых» деген организацияны келечилери быллай тюбешиуле керек болгъанларын, мындан ары да байламлылыкъ тутуб турургъа излегенлерин айтдыла.
Аны тышында сохталагъа «Защита от мошенничества и финансовая безопасность» деген теманы юсю бла хапар билдирген къагъытла берилдиле.




