Къыркъар (август) айны 7-де РФ-ны Правительствосуну регионал ёсюмюню хакъындан комиссиясыны президиумуну кенгеши болгъанды. Аны РФ-ны Правительствосуну Председателини орунбасары Марат Хуснуллин бардыргъанды. Ол кенгешге видеоконференция халда КъЧР-ни Башчысы Темрезланы Рашид да къошулгъанды.

Кенгешни ача, Марат Шакирзянович, санкцияла салыннганлыкъгъа, Эресей алгъа баргъанын, арт 6 джылны ичинде къралыбызда къурулуш тири бардырылыб, 2025-чи джылны ал джарымына чыгъарылгъан эсеблеге кёре, 3-4 процентге ёсгенин чертгенди.
Вице-премьер башха ишлени юслеринден да айтханды. Кенгешде регионланы джууукълашыб келген къач-къыш сууукълагъа хазырлыкълары да сюзюлгенди.
Алайда айтылгъаннга кёре, КъЧР-де инженер коммуникацияланы, джылыу берген системаны, ЖКХ-ны хазырлау белгиленнген план бла бардырылады. Чарпыу болса, джарарыкъ затла да хазыр этилгендиле.
 Кърал къуллукъчула коммунал джумушлагъа хакъ тёлеуню юсюнден да сёлешгендиле. Марат Хуснуллин ол джумушлагъа да, энергетика инфраструктураны джангыртыугъа да регионланы башчылары кеслери джууаблы болсала излегенди.
Былайда КъЧР коммунал джумушлагъа хакъ тёлеу бла алчы регионланы тизиминде болгъаны да чертиледи.
Кенгешде «аскер шахарланы» инфраструктураларын джангыртыугъа аталгъан «джол карта» джарашдырыуну юсюнден да сёлешиннгенди.
Белгиленнген ишле къалай баджарылгъанларына Вице-премьер кеси къарарыкъды.

 
{jcomments}