Къарачай-Черкесияны Башчысында аскер къаугъагъа къошулгъанлагъа болушлукъ этерге деб къуралгъан республикан штабны къайгъырыуу бла джангы тахсачы дронла – джети «DJI Mavic 4 Pro» квадрокоптер – сатылыб алыннганды. Ол иш 34-чю гвардиячы мотоатыучу (тау) бригаданы тамадаларыны излемлери бла этилгенди.

Бу аскер сауут кесини асыулулугъу бла аны аллындагъыланы хорлайды: узагъыракъ учады, съёмкаланы игирек этеди, радиоэлектрон «джеллеге» тёзюмлюдю. Ол шартлары аны бюгюннгю аскер болумгъа бек керекли этедиле.
– Къысха заманны ичине республикан штаб заманны излемине толу джууаб этген квадрокоптерлени хазыр этгенди. Техника джаны бла бу тукъум аскер сауутну ичинде быладан онглу джокъду. Айтыргъа, джердешлерибизни къолларына эм маджал сауут тюшерикди, – деб билдиргендиле КъЧР-ни Правительствосунда.
Алгъаракъда бизни региондан аскерчи джашлагъа 40 спецтехника ашырылгъанды: мотоциклле, квадрациклле эмда байламлылыкъны баджаргъан керекле. Бу джол Ата джуртну къоркъуусузлугъун сакълагъанла джангы чыкъгъан дронланы джиберликлерин излегендиле.
Къарачай-Черкесия, аскер къаугъа башланнганлай огъуна, ары гуманитар болушлукъ табдырыб тебрегенди.

 
{jcomments}