Бу кюнледе «Бирикген Эресей» партияны регионал бёлюмюню Джамагъатха кёлтюргючлюк этген штабында грант конкурслагъа къошулууну, социал проектле джарашдырыуну хакъындан окъуу семинар бардырылгъанды.
Семинарны КъЧР-ни Миллет ишлерини, кёбчюлюк коммуникацияла бла басманы хакъындан министерствосуну информацион болушлугъу бла «Знание» деген эресейчи джамагъат бирлешликни Къарачай-Черкесияда бёлюмю къурагъанды. Ол РФ-ны кёб миллетли халкъын бирикдириу, граждан бирликни бегитиу, КъЧР-ни миллетлерини тин байлыкъларын ёсдюрюу бла кюрешген регионал джамагъат бирлешликлеге методика болушлукъ этер мурат бла бардырылгъанды. Анга республикан СМИ-лени журналистлери, блогерле къошулгъандыла.
Семинарны КъЧР-ни Башчысыны эмда Правительствосуну пресс-къуллугъуну управлениесини бёлюмюню тамадасы Байрамукъланы Ася бла ол управлениени референти Мурат Хутов
бардыргъандыла. Ала социал проектле хазырларгъа, аны бла байламлы этиллик ишле баджарыргъа, грантха ие болгъандан сора проектни къалай толтурургъа кереклисини юсюнден хапар айтхандыла. Семинаргъа къошулгъанла да аланы айтханларына эс бёлюб тынгылагъандыла, соруула да бергендиле.
(БИЗНИ КОРР.).




