Быллай чакъырыу бла Гитче Къарачай районда ГАИ-ни къуллукъчулары бла ПДН-ни ишчилери профилактика рейд ётдюрдюле.

Этилген ишни баш магъанасы аталагъа, аналагъа алкъын ангылары бишмеген, джыллары джетмеген сабийлеге улоу бермегиз дегенни билдириудю. Онсегиз джылы толмагъан бала машина джюрютюб, джолгъа чыкъгъаны уллу палахла, аны къуру кеси бла къалмай, анга джолукъгъанлагъа да келтирирге боллукъду. Ол себебден, сабийлерине улоуну ышаныб, аны джолгъа ийген ата-анала кеслерини балаларыны тышында, бюреуге да аджал келтирирге боллукъдула, деб чертедиле полицияда ишлегенле. Сёз ючюн, джыл башланнганлы сынгар Гитче Къарачайны джолларында, ангылары бегимеген сабийле улоу джюрютюб чыкъгъанлары амалтын, юч джол чарпыу болгъанды. Быйыл Аллахны джазыкъсынмакълыгъы бла ёлгенле болмагъандыла. Алай а, былтыр илинмек аджалдан дунияларын джашлай ауушдургъанла да болгъандыла. Аллах сакъласын.

Халкёчланы Ахмат.

 
{jcomments}