Черкесскени прокуратурасы бир тиширыуну, анга тыйыншлы орган социал болушлукъ табдырыргъа унамагъаныны юсюнден, тарыгъыууну тамалында тинтиу ишле бардыргъанды.

Прокуратураны къуллукъчулары ачыкълагъаннга кёре, 2025-чи джыл никкол (июнь) айда тиширыу, Эресей Федерацияны Социал фондуну Къарачай-Черкесияда бёлюмюне барыб, сабий туугъанына шагъатлыкъ эмда башха керекли къагъытларын да бериб, анга къарагъаны ючюн, ай сайын болушлукъ ачха (пособие) кереклисине тилек (заявление) джазгъанды. Анда тиширыугъа, ол джашагъан джерде закон сакълаучу органланы электрон базаларында аны юсюнден хапар джокъду деб, болушлукъ ачха чыгъармагъандыла.
Прокурор билдиргенден, социал фондну къуллукъчуларыны унамагъанлары, информацион системада техника джанындан халат кетгени бла байламлы болгъанды. Ол себебден, прокуратура, законну бузулгъан джерин тюзете, Эресейни ОМВД-ны Черкесскеде бёлюмюне къагъыт джазгъанды. Аны бла байламлы тинтиуле бардырылыб, программада ийилген халат тюзетилгенди. Бу ишни тыйыншлысыча толтурургъа борчлу болгъан къуллукъчу терслениб, дисциплинар джууаблылыкъгъа тартылгъанды.
Алай бла, тиширыу болушлукъ ачхасын, тилек къагъыт берген кюнюнден башлаб, толусу бла алгъанды.

 
{jcomments}