Эресейни Президенти Владимир Путинни «О национальных целях развития Российской Федерации на период до 2030 года и на перспективу до 2036 года» деген Указын толтурууну тамалында Росприроднадзор «Экология – дело каждого» деген ат бла халкъла арасы сабий-джаш тёлю ёчню къурагъанды.
Быйыл къыркъар (август) айны 1-де «Экология – дело каждого» деген ёч ючюн бардырылгъан эришиулени VI-чы кёзюую башланнганды. Анга Эресейде, аны тышында джашагъан сабийле, джаш тёлю, уллула да къошулургъа боллукъдула. Табигъат байлыкъны сакълаугъа, экология джаны бла билим бериуге, табигъатха аяулу къараугъа аталгъан ариу эмда сейир джарашдырылгъан видеола бла суратла хазырлагъанла Росприроднадзорну саугъасына тыйыншлы боллукъдула.
Конкурс ишлеге талай номинацияда багъа берилликди – «Экомир», «Экоблогер», «Экомультфильм», «Экопроект», «Поколение будущего», «Экотуризм», «Экопрсвещение», «Экология души», «Зоомир», «Экорисунок», «Экофокус», «Экосемья», «Экосоюз».
Премиягъа къошулургъа излегенле 2026-чы джылны арттотур (апрель) айыны 1-не дери тилек къагъыт джиберирге эркиндиле. Аны эсеблери 2026-чы джыл хычаман (май) айны 26-дан никкол (июнь) айны 18-не дери чыгъарыллыкъдыла.
«Экология – дело каждого» деген ёчню алгъанла эресейчи ВУЗ-лагъа кирген заманда 3 къошакъ балл, алчы орунла алалмагъанлагъа да 1 къошакъ балл берилликди. Балла усталыкъланы къайсы биринде да саналлыкъдыла. Аны бла бирге хорлагъанлагъа саугъала (смартфонла, планшетле), «Орлёнок» деген сабий аралыкъгъа путёвкала берилликдиле.
«Экология – дело каждого» деген ёчню юсюнден https://экологияделокаждого.рф сайтда толу хапар билирге боллукъду.




