Мындан алда Эресейни Ич ишлерини министерствосуну «Зеленчук» бёлюмюню Джамагъат совети эмда Ветеранларыны советини тамадасы Батчаланы Мухат бу бёлюмню кърал инспекциясыны къуллукъчулары бла бирге Джолда джюрюуню къоркъуусузлугъун бегитиуге атаб, Зеленчук стансени 3-чю – 5-чи номерли школларыны окъуучулары бла профилактика ушакъла бардыргъандыла.

Ушакъны кёзюуюнде ала сабийлеге машина джолдан ётген сагъатда, джамагъат улоуда баргъан заманда кеслерин къалай тутаргъа кереклисини юсюнден айтхандыла. Андан сора, машинада баргъан сагъатда къоркъуусузлукъну сакълагъан затланы хайырландырыргъа кереклисин билдиргендиле. Ала сохталагъа джолдан ётген сагъатда телефон бла сёлеширге, къулакъларына наушникле салыб барыргъа болмагъанын да эсгертгендиле. Сабийле ала юретгенни ангылагъанларын, джол чарпыулагъа тюшмезге кюрешириклерин айтхандыла. МВД-ны келечилери джолда джюрюуню джоругъун ким иги билгенини юсюнден викторина да бардыргъандыла.
Джыйылыуну аягъында ала сабийлеге мамырлыкь, рахатлыкъ, къоркъуусуз джашау теджегендиле.

Узеирланы Хусей.

 
{jcomments}