«Сабийни школгъа хазырлайыкъ» деген сууаблыкъ ишни юсю бла «Эресейни сабий фондуну» джергили бёлюмю «РусГидро» ПАО-ну Къарачай-Черкес филиалыны болушлугъу бла къарыусуз джашагъан эмда кёб сабийли юйдегилеге школгъа керекли затланы саугъа этгенди.
Джангы окъуу джылгъа сабийлеге гидроэнергетикле школгъа джараулу юс, спорт эмда аякъ кийимле, портфелле, тефтерле, сурат салыргъа альбомла, канцеляр керекле алыб бергендиле. «РусГидро» ПАО-ну джергили филиалына башчылыкъ Петр Васильевич Кравченко этеди. Болушлукъну кёрюб, къууанч-
ха бёленнгенлени араларында Джёгетей Аягъы районда джашагъан 17 сабийи болгъан юйдеги да барды. Бу юйдегиде сегиз сабий школгъа джюрюйдю – Мурат, Аслан, Беслан, Артур, Амилина, Карина, Дарина, эмда Амир гидроэнергетиклени къайгъырыулары бла школгъа толу ха-
зырланнгандыла. Бу юйдегиге ашарыкъ- ичерик, турмушда хайырландырыллыкъ затла да табдырылгъандыла.
Республиканы башха регионларында джашагъан кёб башлы юйдегилеге да этилгенди болушлукъ. Аланы биринде алты сабий барды, тёртюсю сохталадыла. Аскер къаугъада Ата джуртларыны къоркъуусузлугъун сакълай джан бергенлени сабийлерине да бёлюннгенди эс.
Зеленчук районну Къарданик стансесини Маданият юйюне да этилгенди саугъа – ары джангы, заманны излемине джууаб этген проект берилгенди.




