Джёгетей Аягъы районну Элтаркъач элинде, «Саулукъ сакълау» миллет проектни джашаугъа сингдире, джангы амбулаторияны ишлеу къызыу джюрюш бла барады.
Аны уллулугъу 128,6 квадрат метрди. Аны себебли, бери бютеу керекли медицина оборудование сыйынныкъды, кабинетлени не тюрлюсю да джетиширикди. Джамагъатха тыйыншлысыча медицина болушлукъ табдырыллыкъды.
Ишни иги кесеги этилгенди, деб таукел айтыргъа боллукъду. Мекямны къабыргъаларын сюегендиле, башын джарашдыргъандыла. Ичин бир къат сюртгендиле. Бусагъатда терезелерин, эшиклерин эмда инженер сетлерин келишдире турадыла.
Джангы амбулаторияда адамлагъа асыулу медицина болушлукъ этиллигине ишек да джокъду. Аны ангылагъан джамагъат джангы мекямны хайырланыугъа бериллигин ашыгъыб сакълайды. Бизни республиканы эллеринде джашагъан адамла алагъа медицина къайгъырыуну ёсгенин ангылагъан, сезген да этедиле.




