Эресейни ётгюр, джигер джашлары Ата джуртларыны къоркъуусузлугъун сакълай СВО-гъа барыб, алагъа салыннган джууаблы борчну сый бла толтургъанлай турадыла.

Ары бизни республикадан да кёбле барадыла. Аллай ашырыу бу кюнледе да болду. Аны юсюнден Черкесскени аскер военкоматыны комиссары Ерёмин Денис Алексеевич республиканы кёбчюлюк информация мадарларыны къуллукъчуларына хапар айтды.
«Бизге уллу къралыбызны, республикабызны къоркъуусузлугъун сакъларгъа излеб, адамла келгенлей турадыла. Биз алагъа психология, медицина джаны бла къараб, джашланы тинтиб, сайлаб алабыз. Мындан алда бизни республикадан СВО-гъа кеслери разылыкълары бла 9 адам ашырдыкъ. Ала окъуу аралыкъгъа барыб, анда бир ай бла джарым юрениб, аскер усталыкъ алгъандан сора, къуллукъ этерик аскер бёлеклерине барлыкъдыла. Бизни республикадан кетгенлени хар бирине бегитилген контрактха кёре регионну бюджетинден 1900 сом ачха берилгенди, ары баргъандан сора федерал бюджетден да 400 мингишер сом ачха аллыкъдыла. Ала кийимле эмда ашарыкъ затла бла толу баджарыладыла.
Джашла, алагъа салыннган джууаблы борчну сый бла толтурурча, кеслери да разы болурча мадарла къураладыла», – деди Денис Алексеевич.

Алчакъланы Хусей.

 
{jcomments}