КъЧР-ни Джаш тёлюсюню ишлерини хакъындан министерствосуну къуллукъчулары «Доброслужащий» программаны тамалында аскер къаугъагъа къошулгъан джашлагъа юч тонна таза ичер суу ашыргъандыла.

– Быллай атлам барыбызны да бюгюн бир иннет бирикдиргенин кёргюзеди. Бу къыйын заманда аскерчи борчларын толтургъан джердешлерибизге болушургъа керекбиз. Суу джашауну тамалыды, ол хаман да керек болгъанлай турады. Биз этген болушлукъ джашланы джюреклерине асыуду, – деб чертгендиле министерствода.
Джаш тёлю ата джуртларыны къоркъуусузлугъун сакълагъанлагъа кёзюу-кёзюую бла гуманитар джюк ашыргъанлай турады. Мындан ары да ол адетге кертилей къаллыгъын билдиргендиле ведомствода.
Аскер къаугъа башланнганлай огъуна бизни республика анга къошулгъанлагъа эмда къыйын болумгъа тюшген адамлагъа, къаугъагъа адамларын ашыргъан юйдегилеге болушлукъ табдырыб тебрегенди. Иш этиб къуралгъан штабны башламчылыгъы бла, ол КъЧР-ни Башчысы Темрезланы Рашидни аманаты бла джарашдырылгъанды, миллет бирикгенди, болушлукъ этерге излегенлени саны ёсе барады. Айтыргъа, 1700 тонна гуманитар джюк ашырылгъанды бизни региондан. Асламысына аскерчилеге кеслери излеген затланы ашырадыла – алагъа соруб, аланы оюмларын эсге алыб.