Къарачай-Черкесияны Уруп районундан «По зову Сердца» деген волонтёр къауум аскер къаугъа бардырылгъан джерледе аскерчилерибизге джюк ашыргъандыла.
Уруп районну адамлары кеслери къоллары бла техниканы джашырыргъа джарарыкъ 7 ауну эшгендиле. Аскерчилеге къайгъыра, алагъа болушур муратда, урупчула ол ауур ишни джюрек излемлери бла этгендиле. Уллу сюймеклик бла эшилген аула джигитлени джанларын сакъларгъа себеб боллукъларына ышанмакълыкъ уллуду.
Уруп районну администрациясы ауланы эшиуге къошулгъанлагъа джюрек разылыгъын билдиреди.
Урушла бардырылгъан джерледе камуфляж джабыула дженгил аман боладыла, аны ючюн аланы хаман эшиб ашырыб барыргъа керекди.
«По зову Сердца» деген волонтёр къауумгъа ауланы эшген заманда керек боллукъ затланы алыргъа Уруп районну администрациясы да, джергили джамагъат да болушханлай турадыла.
