Аууз-герги (октябрь) айны 3-де, Москвада Арбат орамны 17-чи номерли мекямында, Черкесск шахарны 200-джыллыгъына аталыб, «Черкесск: от истоков к современности – 200 лет истории» деген ат бла сурат кёрмюч ачыллыкъды.
Тюрлю-тюрлю джыллада тюшюрюлген суратладан къуралгъан кёрмючде адамла Черкесск шахар къалай къуралгъаны, аны эсгертмелери, шахарда болгъан тарих магъаналы ишле бла шагъырей боллукъдула. Хар суратха QR-кодла салынныкъдыла, аланы болушлукълары бла кёрмючге къошулгъанла шахар алгъын джыллада эмда бусагъатда къаллай тюрсюн алгъанына къараргъа боллукъдула. Кёрмючге 32 иш салынныкъды.
Москва шахарны Миллет политика бла регионла арасы байламлылыкъ джюрютюуню хакъындан департаментини болушлугъу бла Кёрмючню Къарачай-Черкесияны Москвада таймаздан ишлеген келечилиги къурагъанды.




