Къыркъаууз (сентябрь) айны 29-да Къарачай-Черкесияны Башчысы Темрезланы Рашид Москвада Кърал советни СВО-да аскерчилерибизге кёлтюргючлюк этиуге аталгъан кенгешине къошулгъанды. Кенгешни Эресей Федерацияны Президентини болушчусу, Кърал советни секретары Алексей Дюмин бардыргъанды.

Анда аскерчилеге, аланы юйдегилерине РФ-ны субъектлеринде къаллай болушлукъ этилгени сюзюлгенди. Регионла кенгешге къошулгъанланы федерал органла бла бирге да, кеслерича да аскерчилеге болушлукъгъа къурагъан мадарлары бла шагъырей этгендиле.
Темрез улу Къарачай-Черкесияда, аскер къаугъа башланнган кюнден тебреб, аскерчилеге эс бёлюу баш джумушланы бири болгъанын чертгенди. Башчы федерал дараджада къуралгъан мадарладан тышында да бизни республикада аскерчилеге, урушланы ветеранларына джараулу ишле этилгенлей тургъанларын, ол ишлени юслери бла «Защитники Отечества» деген фонд бла къысха байламлылыкъ джюрютюлгенин айтханды. «Герои Карачаево-Черкесии» деген регионал программа да джетишимли толтурулгъанын чертгенди.
Алексей Дюмин да РФ-ны Президенти Владимир Путин кеси СВО-ну ветеранларына болушлукъ этиуге, аланы джарсыуларына къалай къаралгъанына эс бёлгенлей тургъанын айтханды.
Ол билдиргенден, Кърал советни президиумуну кёб турмай Владимир Путин кеси бардырлыкъ кенгеши да Аскер къаугъагъа къошулгъанлагъа, аланы эт-джен адамларына болушлукъ этиуге аталлыкъды.

 
{jcomments}