Къарачай-Черкесия «Бу бизни юйдегиде адетди» (Это у нас семейное) деген эришиуге къошулгъанды.

Аны юсюнден КъЧР-ни Башчысы Темрезланы Рашид МАХ мессенджерде кесини каналында джазгъанды. Бюгюнлюкде республикада 246 юйдеги – 840 адамдан аслам – бу конкурсха къошулургъа хазырлыгъын билдиргенди.
Быйыл бу эришиу джангы джорукъ бла бардырылады. Ол «Юйдеги» миллет проектге киреди. Ол себебден аны магъанасы айырылыб ёсгенди. Алгъаракъ джылладача, бу джол да анга тёрт эмда андан аслам адамы болгъан юйдегиле къошулургъа боллукъдула. Ала эм кеминде юч тёлюню келечилери болургъа керекдиле.
Эришиуню баш ёчю – 5-шер мелиуан сому болгъан 60 сертификат. Аны юйдегиле фатар болумларын игилендириуге эмда Эресейни джер-джерине къонакъгъа барыугъа джояргъа эркиндиле.
КъЧР-ни Башчысы Темрез улу чертгеннге кёре, былтыр бу эришиуге бизни республикадан 371 юйдеги къошулгъанды. Аланы бири – Василенко-Гудовцовланы командалары – финалгъа чыкъгъанды. Бу юйдеги Къобан районну Кавказский посёлогунда джашайды.

 
{jcomments}