Къыркъаууз (сентябрь) айны 4-де Къарачай-Черкесияны Халкъ Джыйылыууну (Парламентини) VII-чи чакъырыууну 13-чю сессиясы кёзюусюз болду.

Анга къошулгъан депутатла, КъЧР-ни Халкъ Джыйы-
лыууну (Парламентини) Председатели Александр Ивановну башчылыгъы бла талай ишни сюзюб, тыйыншлы бегимле чыгъардыла.
Сессияда, депутатланы разылыкълары бла, Къарачай-Черкес Республиканы 2025-чи джылгъа эмда алгъа къараб, 2026-чы, 2027-чи джыллагъа салыннган бюд-
жети бир кесек тюрлендирилди, миллет нюзюрлени толтуруугъа аталгъан политикагъа кёре.
КъЧР-ни финанс министри Вадим Камышан чертгенден, джанларына къоркъуулу къаты ауруб къалгъанлагъа, джаралы болгъанлагъа терк болушлукъ этерча джангы амалла къурау, бизни регионда табигъат бай-
лыкъланы сакълаугъа, аяулу хайырландырыугъа аталгъан кърал программаны толтуруу дегенча социал ма-
гъаналы ишлеге бюджетде асламыракъ ачха джораланнганды.
Сессияда муниципал къуралышланы республикагъа тёлерге керекли бюджет кредитлерин къаллай чурумла бла «кечерге» боллугъу, ол иш къаллай джорукъ бла бардырыллыгъы да белгиленнгенди.
Депутатла, теджелген кандидатланы сюзюб, Гитче Къарачай районну 1-чи номерли участогуна джарашдырыучу сюдюге ол санагъатда 22 джыл иш сынамы болгъан Байрамкъулланы Мухатдинни джашы Муссаны, Зеленчук районну 2-чи номерли участогуна джарашдырыучу сюдюге да юриспруденцияда 36 джыл чакълы бирни ишлеген Чагъарланы Ларисаны, Хаджи-Мырзаны къызын, тыйыншлы кёрдюле.
Ала Зеленчук станседе къаты багушну джарашдыр-
гъан, джараусузун басдыргъан комплекс къураугъа, хайырландырыугъа аталгъан проектни да джараулугъа санадыла. Ол комплекс ишлеб башласа, анда бир джылгъа 80 минг тонна къаты багуш къурутулуб барлыкъды.
Сессияда депутатла иш нёгерлерин – Къараланы Борисбийни джашы Шамилни – кеси излеми эмда муниципал къуллукъгъа салыннганы бла байламлы депутат борчларындан башына бош этдиле.

 
{jcomments}