Къарачай-Черкесияда «Заоблачный фронт» деб уллу аскер-тарих фестиваль бардырылгъанды. Анга Эресейни 16 регионундан, Белоруссиядан, Къыргъызиядан да къонакъла келгендиле. Айтыргъа, 200-ден аслам излеучю бла реконструктор къошулгъандыла.
Излеу иш бла кюрешген экспедиция фестивалны кёзюуюнде Морх ёзеннге баргъанды, алайда Уллу Ата джурт къазауатны джылларында ёлген экеуленни сюеклери табылгъандыла.
Излеу иш да бара тургъанлай, Таулу талада «Биринчи дуния къазауатдан аскер къаугъагъа дери» деб кёрмюч да ачылгъанды. Архызны Софийская таласында «Кавказ ауушлада баргъан урушла» деб аскер-тарих реконструкция да ётгенди. Быйыл фестивалгъа келгенлени саны айырылыб кёб болгъанын чертерге тыйыншлыды: биринчи кере анга 9 джылны ичинде 180 реконструктор къошулгъанды. Аны бла бирге биринчи кере былайда аскер техника да кёргюзюлгенди – бронетранспортёр бла миномётла.
300-ден аслам адам магъаналы эмда бек сейир халда ётген фестивалгъа тыйыншлы багъа бергенди, Ата джуртну джаудан къоруулагъан джигит аскерчилени эсге тюшюргенди.
Джигитлик этиб, джан бергенлени халкъ унутмагъанды. «Заоблачный фронт» дегенча мероприятиеле аланы сауланы эслерине салгъанлай турлукъдула.




