- Подробности
- Просмотров: 836
Борлакъланы Кочраны джашы Алий (документлеринде Алексей деб джазылады) 1967-чи джыл къыркъар (август) айны 18-де Уруп районну Преградна стансесинде, уллу юйдегиде туугъанды. Кочра бла юй бийчеси Соняны юйдегилеринде ол ючюнчю сабий болуб ёсгенди. Атасы, анасы къалгъан сабийлеринча, Алийни да ариу халиге, намысха, адебге гитчелигинден башлаб юретгендиле. Алий Къызыл Уруп элни школунда 1983-чю джыл орта билим алыб чыкъгъанды.
Къачан да уллу юйдегиде ёсген сабий тенглерини арасында ишни сюйген, хар берилген джумушха тири узалгъан шартлары бла танылгъанды.
Алий 1985-чи джыл аууз-герги (октябрь) айда Совет Аскерге къуллукъ этерге кетеди. Ол алгъы бурун Владикавказда аскер бёлекге тюшеди. Алайда 3 айны карантинде болады. Анда Борлакъ улуну къазауатха кючлю хазырлаб, 1986-чы джыл байрым (февраль) айны 3-де Афганистаннга ашырдыла. Ары кетер кюннге дери Афганистаннга иериклерин билмегенди. Билсе да, кеси айтханлай, ким биледи, ол джолну сайларыкъ болур эди. Нек десегиз, ол джыллада джаш тёлюню ангысына Ата джуртха сюймеклик, патриотлукъ деген сезимлени къаты сингдириб юрете эдиле школда да, юйде да. Ол шартланы джашауларында эм баш магъанагъа санаб джашай эдиле джаш адамла.
- Подробности
- Просмотров: 928
Кёб болмай Эресейчи гвардияны Къарачай-Черкесияда управлениесини залында, джаш тёлюню аскер-патриот юретиу ишлени бардырыугъа къошхан энчи юлюшлери ючюн граждан джамагъатны институтларыны келечилерине Бюсюреу къагъытла бердиле.
Джыйылыуну ишине къошулгъанланы арасында кеси оноуун кеси этген джергили органны къурамына къарагъан къауумну тамадасы, полковник Марат Цуров, ветеранланы Бютеуэресей джамагъат организациясыны «Аскер къарнашлыкъ» деген джергили бёлюмюню председатели Исхакъ Афаунов, «Афганистанда болгъанланы эресейчи союзуну ветеранлары» деген регионал оганизацияны председатели Мамчуланы Исса-Алий, Черкесск шахарны джаш тёлюсюню Аскер-патриот юретиу аралыгъыны методисти Эрикгенланы Ибрагим бар эдиле.
- Подробности
- Просмотров: 1115
Эресейчи гвардияны Къарачай-Черкесияда ОМОН-ну къуллукъчулары Джангы джылны аллы бла шефлик этген классларыны сабийлери бла джергили кинотеатрланы бирине баргъандыла.
Джаш къонакъла мультфильмлеге къарагъандан сора, спорт эмда башха конкурслада эришгендиле. Кеслерини не эте билгенлерин, фахмуларын, билимлерин, кючлерин кёргюзгендиле.
«Бизге хар быллай тюбешиуню уллу магъанасы барды. Джангы джылны аллы бла сабийле сизни бла тюбеширге ашыгъыб, талпыб турадыла. Сизни бюгюн этгенигиз сабийлеге уллу саугъады. Школчула бюгюн къууаннганларын кёб заманны унутурукъ тюлдюле. Сау болугъуз, бизни сабийлерибизге терен эс бёлгенигиз ючюн», - деб, директорну окъуу-юретиу джанындан орунбасары Къазийланы Роза эресейчигвардиячылагъа бюсюреу этгенди.
- Подробности
- Просмотров: 1086
Гогуйланы Мудалифни джашы Ислам 1966-чы джыл байрым (февраль) айны 2-де Къабарты-Малкъар Республиканы Кичималка элинде туугъанды. Гитчелигинде саулугъуну къарыусузлугъу амалтын хаман да ауругъанлай, он джылына дери инджилгенлей тургъанды. Андан сора бир кесек къарыу ала, кеси да спорт бла кюреше, аны бла аякъ юсюне миннгенди. Сингирли, къатангы сабий болуб, 12-14 джылында турникде уста ойнай, абадан къауумгъа огъуна ал бермей адамланы сейирсиндире эди.
Ислам 7-чи классда окъугъан заманда юйдегилери Нарсанагъа кёчерге кёлленнген эдиле. Кичималкада юреннген орамын, тенгчиклерин бек сюйгени себебли кетерге унамай тургъан хапарын бюгюнлюкде аны джууукълары эслерине тюшюрюб айтадыла. Андан сора Ислам Черкесскеде 15-чи номерли орта школда окъугъанды. Аны окъутхан устазларыны бир къаууму бюгюн да саудула. Ол устазларыны берген джумушларын толу тындыргъан, юретгенлерин да дженгил алгъан фахмулу сабий болгъанын бюгюн да айтадыла.
Анасы Фатима бла атасы Мудалиф (ауушхандыла, джандетли болсунла) сабийлерин – тёрт джашны – адебни-намысны джоругъунда къаты юретиб, урунууну сюйдюрюб, аланы санларын иш бла, спорт бла чыныкъдырыб ёсдюргендиле. Аны себебли ол шартлары эркиши сабийлеге къайда да сый, махтау келтиргенлей тургъандыла. Ислам 9-чу классдан сора колхозгъа кириб, эки айны комбайнада да ишлегенди.
- Подробности
- Просмотров: 924
Байчораланы Османны джашы Анзор 1965-чи джыл хычаман (май) айны 9-да Къобан районну Светлое элинде туугъанды. Атасы Осман бла анасы Казлий тёрт джаш бла эки къызны ёсдюргендиле. Анзор аланы эм кичилери эди. Ала сабийлерини барысын да иги халиге, намысха, адебге юретиб, Ата джуртха сюймекликни сингдириб ёсдюргендиле. Анзор да анасыны сютю бла сингнген ол ашхы шартланы ахыр кюнюне дери сакълагъанды. Атасы юретген тёзюмлюлюкню, эркишиликни джанына къоркъуу тюшген кёзюуде да унутмагъанлай, Ата джуртуна кертилей къалгъанды.
Анзор 1972-чи джыл туугъан элинде сегизджыллыкъ школгъа баргъанды. Аны тауусханында, орта билимни толу алыр ючюн, джууукъдагъы элде – Счастливоеде - школгъа джюрюб, 9-10-чу кллассланы анда окъугъанды. Устазлары аны ариу халиси эмда билим алыргъа талпымакълыгъы уллу болгъаны ючюн бек сюйгендиле. Тенглерини арасында да ол кесини намысы бла, ишленмеклиги бла айрылыб танылгъан сабий болгъанды.
- Подробности
- Просмотров: 1088
Къарачай шахарны прокурору Семенланы Фатима, Борисни къызы, бизни анда энчи корреспондентибиз Ёзденланы Якъуб бла къысха ушагъында ётген джылны эсеблеринден, алдагъы борчладан хапар айтады.
- Арт джыллада къралда джорукъ сакълагъан органлада танг реформала болгъандыла. Бу болумда сизни ишигиз а къалай къуралыбды?
- Къралда болгъан бютеулей реформала бла байламлыдыла джорукъ сакълагъан органладагъы тюрлениуле да. Алгъын заманлада тюбемеучю аманлыкъла чыкъгъандыла бу арт джыллада, кесигиз билесиз. Анга кёре, законодательствогъа да, айхай да, къошакъ-къоракъ этерге керек болгъанды.
Прокуратураны къачан да баш борчлары федерал законодательствогъа надзорлукъ этиу бла сюдде кърал джанындан терслеучю болууду. Надзорлукъ борчуну чеклери энди кенгерген этгендиле…
- Алай болса да, къайсы ишлеге айырыб эс бёледи прокуратура, бюгюннгю тил бла айтсакъ, приоритетге саналгъан бусагъатда не затды?
- Подробности
- Просмотров: 1170
Джыйылыугъа КъЧР-ни Джамагъат палатасыны председатели Молдованова Вера, республиканы миллет ишлерини, кёбчюлюк коммуникацияла бла басманы хакъындан министрини заместители Хубийланы Ислам, окъуу бла илмуну министрини заместители Бекижева Фатима, республикада динлени келечилери, Афганчыланы союзуну КъЧР-де бёлюмюню эмда правлениесини членлери, Афганчы сакъатланы джамагъат бирлешлигини тамадасы Жданов Геннадий дагъыда бирси джамагъат бирлешликлени келечилери, окъуу учреждениелени сохталары бла студентлери, журналистле келген эдиле.
Джыйылыу республикан библиотеканы къуллукъчуларыны башламчылыкълары бла къуралгъаны себебли методика бёлюмюню къуллукъчусу Биджиланы Зухра джыйылгъанланы келген къонакъла бла шагъырей этиб, конференцияны баш муратын айтды. Ызы бла афганчыланы Эресей джамагъат бирлешлигини КъЧР-де бёлюмюню тамадасы Мамчуланы Исса-Алийге берилди сёз. Ол Афганистанда баргъан къазауатда он джылгъа джууукъ заманны ичинде бизни джердешлерибиз къаллай хыйсаблада уруш этгенлерини эмда къыйын кёзюуледе тирилик танытханларыны, къаллай отлу джолланы ётгенлерини юслеринден хапар айтды.
- Подробности
- Просмотров: 994
Мындан алда Къарачай-Черкес Республиканы Ич ишлерини министерствосуну коллегиясыны залында брифинг болду.
Джангы джыл байрамланы кёзюуюнде джамагъатны арасында къоркъуусузлукъну сакълай закон, джорукъ къалай сакъланнганыны юсюнден Къарачай-Черкесияны Ич ишлерини министерствосуну полициясыны тамадасыны орунбасары, полицияны полковниги Шаев Ануар Рамазанович сёлешди.
«Республиканы джеринде джангы джылгъы байрам къууанчла, 2018-чи джыл эндреуюк (декабрь) айны 21-ден башланыб, болгъан шахарлада, элледе бардырылгъандыла. Бютеулей да 650 къууанч болгъанды. Алагъа 100 минг адам къошулгъанды. Байрам кюнлени заманында джамагъатны къоркъуусузлугъун ич ишлени органларыны 2000 къуллукъчусу сакълагъанды. Къалгъанла да, кече-кюн демей, тири кюрешгендиле.
Джангы джылны аллы бла бардырылгъан къууанчланы 550-си школлада, сабий садлада болгъандыла. Алагъа 67 минг адам къошулгъанды. 2019-чу джылны башил (январь) айыны 6-сы бла 7-де да талай иш бардырылгъанды. Алагъа 5 мингнге джууукъ адам къошулгъанды. Ол заманда да полицияны 200 къуллукъчусу хар затны кёз туурада тутханды.
- Подробности
- Просмотров: 924
1979-чу - 1989-чу джыллада Афганистанда къазауатха Къарачай-Черкесиядан мингнге джууукъ адам ашырылгъанды. Аладан 42 уланы анда ёлгенди. Аланы арасында 16-сы да къарачай джашладыла. Сау-эсен туугъан джуртларына къайтханланы арасында да бюгюнлюкге дери 400-ге джууукъ «афганчы» къазауатда алгъан джараларындан, бирси чурумладан дунияларын ауушдургъандыла (джандетли болсунла). Афганистанда къазауатда интернационал борчларын толтура джан берген джашланы юслеринден хаман джазылыб турса да тыйыншлыды. Аланы атларын барыбыз да унутмазгъа керекбиз, ала эркишиликни, джигитликни юлгюсюдюле. Дагъыда аланы къыйын хыйсаблада кеслерин тыйыншлы тутханлары, бирси ашхы шартлары ёсюб келген тёлюге юлгю болуб, джаш адамланы патриотизмге талпытадыла; Ата джуртха керек заманда ёрге турургъа эмда анга кертилей къалыргъа юретедиле.
Алайды да, аллай юлгюлени бириди Хабланы Хызырны джашы Кичи-Батыр да. Ол 1965-чи джыл Ючкекенде уллу юйдегиде тёрт къарнаш бла эки эгечни эм кичилери - джетинчи сабий болуб туугъанды. «Уллу къазанда бишген эт чий къалмаз» дегенлей, атасы бла анасы башха сабийлеринча аны да иш бла чыныкъдырыб ёсдюргендиле.
