Озгъан ыйыкъда «Газпромну» директорларыны советини председатели Виктор Зубков ишни юсю бла бизни республикагъа келиб кетди.
Алгъы бурун ол КъЧР-ни Башчысы Темрезланы Рашид бла бирге Черкесскеде Хорламны Паркында мемориалгъа гокка хансла салды. Андан сора экиси да «Квест А» деген фабрикагъа къарадыла. Белгилисича, регионда ол инновацион технологияланы тамалында ишлеген уллу предприятиелени бириди. Джюнню джарашдырыу анда толу циклден ётюб, хазыр изделиеге дери джетеди. Къралда бу шекелли промышленность предприятие джангыз буду.
Аны къурагъан Халкёчланы Марат къонакъланы фабриканы иши бла шагъырей этди. Джылгъа ол 4600 тонна джюн джарашдырады. Бюгюнлюкде Россияда эмда дунияда 100-ден аслам предприятие аны партнёрларыдыла. Кесинде да 400-ден аслам адам ишлейди.

 Полуфинал Всероссийского конкурса управленцев «Лидеры России» по Северо-Кавказскому федеральному округу собрал сотни участников, прошедших отбор по итогам дистанционного тестирования. Конкурс «Лидеры России» организован по поручению Президента России Владимира Путина и является флагманским проектом открытой платформы «Россия — страна возможностей».

В торжественном открытии полуфинала в Пятигорске приняли участие полномочный представитель Президента Российской Федерации в СКФО Олег Белавенцев, губернатор Ставропольского края Владимир Владимиров, наставник проекта ректор РАНХиГС Владимир Мау, мэр Пятигорска Андрей Скрипник и другие представители бизнеса и органов власти. 

 Декабрны тогъузу Шимал Кавказ округну рысхы хазнасын андан ары ёсдюрюуню джолларын ачыкълау бла аланы толтурууну мадарларын белгилеуню эсде къаллыкъ кюню болуб ётдю. Ол кюн «Архыз» деген бютеусезон турист-рекреацион комплексде  «Инвестируй в Кавказ» деген 11-чи бизнес-конференцияны тамалында  «Инвестиционный и деловой климат Северо-Кавказского федерального округа: точки роста и развития» деген темагъа багъышланыб пленар джыйылыу болду.

Аны президиумунда   Россия Федерацияны Шимал Кавказны ишлерини юслеринден министри Кузнецов Лев, Къарачай-Черкесияны Башчысы Темрезланы Рашид, Дагъыстанны Правительствосуну Председателини орнунда ишлеген Гамидов Абдусамад, Къабарты-Малкъарны Правительствосуну Председатели Мусуков Алий, Терк Башы Тегейни Правительствосуну Председатели Тускаев Таймураз, Чеченни Правительствосуну Председатели Эдельгериев Руслан, Ингушну Правительствосуну Председатели Гагиев Руслан, Ставрополь крайны Правительствосуну Председателини биринчи заместители Ковалев Иван, аны кибик тюрлю-тюрлю министерствола бла ведомстволаны келечилери болдула. 

 Къарачай-Черкес Республикадан иги окъугъан, олимпиадалада, конкурслада школларыны атларын айтдыргъан, кёбчюлюк-джарыкълыкъ, джамагъат ишлеге, спортха тири къошулгъан 125 сабий «Артек» деген лагерде солургъа кетгенди.
«Артек» халкъла арасы солуу аралыкъды. Ол Къарачай-Черкес Республиканы сабийлерине кесини 14-чю сменасында солуб, кюч-къарыу алырча, энтда путёвкала джибергенди.
Алай бла, бюгюнлюкде Къобан, Зеленчук, Абаза, Гитче Къарачай, Джёгетей Аягъы районланы, аны кибик Черкесск эмда Къарачай шахарланы сабийлери андадыла. «Артек» кесини санагъатында эм ашхыланы бирине саналады. Сабийлени солууларын къурауда аны ишине халкъла арасы дараджада огъуна асыулу багъа берилгенди.

  Быйыл ноябрны 29-дан декабрны 2-не дери Ингушетияны ара шахары Магасда Шимал Кавказны кёбчюлюк информациясыны мадарларыны V-чи форуму ётгенди. Анда «Къарачай» газетни баш редактору Ёзденланы Альберт да болгъанды. Форумну ишини юсюнден ол газет окъуучулагъа хапар айтханды. - Альберт, форумну баш магъанасына нени санаргъа боллукъду? Быллай тюбешиуле, бир да ишексиз, журналистлени алларында джууаблылыкъны ёсдюрген бла бирге учундургъан да эте болурла? Аны тышында да «игини игилиги джугъар» дегенлей, юлгю алыргъа да мадар чыгъа болур.
- Шимал Кавказ федерал округну ара шахары Пятигорскеде бу тукъум форумла бола тургъандыла. Бу джол джолубуз узагъыракъ болду: Магасха Россияны джер-джеринден эмда тыш къралладан 700-ден аслам адам джыйылыб – ала асламысына кёбчюлюк информацияны мадарларыны, власть органланы келечилери эдиле – халкъла арасы дараджада уллу форум ётдю. Аны магъанасы Кавказда бола тургъан затланы, регионну джашауун тюз эмда не тюрлю джаны бла да толу кёргюзюу, Россияны халкъларына тыйыншлысыча болумну ангылатыу эди. Аны бла бирге миллетлени араларында байламлылыкъны, бирикмекликни, шохлукъну бегитиу эди. Къралыбызны кючлю, деменгили этерик да ма ол затладыла. Айтыргъа, форумну баш борчларыны бирине журналистлени сынам бла алмашыныуларын санаргъа керек болур. Кёб затны кёрдюк, кёб затны билдик. Кесибизни газетни да кёргюздюк, берген багъаларын да эшитдик.