Подробности
Просмотров: 870

 Халкъла арасы Петербург  экономика форум баргъан кёзюуде Эресей Федерацияны Президентини Шимал Кавказ федерал округда Толу эркинликли келечиси Белавенцев Олег, Ингушетияны Башчысы Евкуров Юнус-Бек, Къабарты-Малкъарны Башчысы Коков Юрий эмда Терк Башы Тегейни Башчысы Битаров Вячеслав бла бирге адмирал Н. Г. Кузнецовну атын джюрютген Аскер-Тенгиз академиягъа къонакъ болгъандыла.
Бу баш окъуу заведениени тарихи 1798-чи джылдан башланады. Бюгюн ол Эресейни Аскер-Тенгиз Флотуна, Эресей Федерацияны Федерал къуллугъуну Чекчи федерал къуллугъуна эмда Эресей Федерацияны Къоруулау министерствосуну управлениелерине инженерле хазырлайды.

Подробности
Просмотров: 925

Къарачай-Черкесияны асыулу къойла бла эчкиле ёсдюрген малчылары хычаманны 14-ден 19-на дери Астрахань областда бардырылгъан 14-чю Бютеуэресей кёрмючде эки алтын, эки кюмюш, тёрт джез медаль, бютеулей да сегиз медаль алыб къайтхандыла.

Ары Къарачай-Черкесиядан баргъан делегациягъа КъЧР-ни Правительствосуну Председателини биринчи орунбасары Байчораланы Эльдар башчылыкъ этгенди. Делегацияны къурамына киргенлени арасында республиканы эл мюлк министри Боташланы Анзор, аны малчылыкъ бла асыулу ишлеге къарагъан орунбасары Бытдаланы Дахир, къой тутхан белгили мюлклени тамадалары эмда регионал аграр ведомствону усталары бар эдиле.

Подробности
Просмотров: 1123
 Черкесск шахарда Кавказ къазауат бошалгъанлы 154 джыл толгъанына аталыб уллу митинг болду. Ол Кавказ къазауатда ёлгенлеге аталыб салыннган эсгертмени аллында бардырылды. Ары келгенлени арасында КъЧР-ни Правительствосуну Председатели Аслан Озов, КъЧР-ни Башчысыны Администрациясы бла Правительствосуну  башчысыны борчларын толтургъан Надежда Пивоварова, РФ-ны Президентини Шимал Кавказ федерал округда Толу эркинликли келечисини аппаратыны баш федерал инспектору Игорь Дральщиков, КъЧР-ни кърал власть органларыны келечилери, КъЧР-ни Халкъ Джыйылыууну (Парламентини) депутатлары, районладан, шахар округладан келген делегацияла, дин къуллукъчула, башхала бар эдиле.

Подробности
Просмотров: 906

 Хычаманны 28-и Эресейчи чекчини кюню эди. Аны бла да къалмай, ол кюн Эресейчи Чекчи управление къуралгъанлы 100 джыл толгъан эди. Бу эки байрам да Къарачай-Черкесияда  кенг белгилендиле.
Эм алгъа Черкесск шахарны Хорлам деген  паркында Чекчини кюню бла Эресейни Чекчи органлары къуралгъанлы 100 джыл толгъанына аталыб чекчи джигитлеге къууанч халда эсгертме ачылды.
Ол къууанчха Къарачай-Черкесияны Башчысы Темрезланы Рашид, Эресей Федерацияны Президентини Шимал Кавказ федерал округда Толу эркинликли келечисини орунбасары Попков Валерий, Эресей Федерацияны Федерал Джыйылыууну Федерация Советини члени Гамаюнов Константин, Чекчи управлениени тамадасы генерал-майор Кудрявцев Юрий, Къызыл байракълы энчи Кавказ чекчи округну командующийи генерал-полковник Болховитин Евгений, Къарачай-Черкесияны Халкъ Джыйылыууну (Парламентини) Председатели Иванов Александр,  Къарачай-Черкесияны Правительствосуну Председателини борчларын толтургъан Озов Мурат, Черкесск шахарны мэри Тамбиев Руслан, властланы территория органларыны федерал къуралышларыны келечилери къошулдула.

Подробности
Просмотров: 1164

 Москвада «Бирикген Эресей» деген Бютеуэресей политика партияны Огъаргъы эмда Баш советлерини биргелей бардырылгъан джыйылыулары болгъанды.  Ол конференцияны дараджасында  ётгенди. Аны «Бирикген Эресей» партияны башчысы, Эресей Федерацияны Правительствосуну Председатели Медведев Дмитрий бардыргъанды. Конференцияны ишине Къарачай-Черкесияны Башчысы Темрезланы Рашид бла КъЧР-ни Халкъ Джыйылыууну (Парламентини) Председатели, «Бирикген Эресей» политика партияны Къарачай-Черкес регионал бёлюмюню башчысы Иванов Александр да къошулгъандыла.

Подробности
Просмотров: 1092
  Къралны регионларында «Эресейчи студент джазны» къууанчын бардырыу арт кёзюуде адетге бурулгъанды. Алай бла аны байрамы Эресейни джер-джеринде 25 кере болуб ётгенди. «Эресейчи студент джазны» бу джолгъу фестивалын  бардырыуну сыйлы борчу уа Ставрополь крайны бойнуна тюшгенди. Ол анда къууанч халда ачылгъанды. Аны ачаргъа Къарачай-Черкесияны Башчысы Темрезланы Рашид бла КъЧР-ни Халкъ Джыйылыууну (Парламентини) Председатели Иванов Александр да къошулгъандыла.

Подробности
Просмотров: 1160

Къарачай-Черкесияны багъалы джамагъаты! Сизни Сабийлени къоруулауну халкъла арасы кюню бла таза джюрекден исси алгъышлайбыз! Джайны биринчи кюнюнде бютеу дуния Сабийлени къоруулауну халкъла арасы байрамын белгилейди. Аны себеби ол кюн сабийлени джакълауну, сюйюуню, аланы къоркъуусузлукъларына къайгъырыуну, келир заманда аланы джашауларыны хар кюнлери зауукълу эмда насыблы ётерча этиуню  къаллай уллу магъанасы болгъанын эсге салады.

Подробности
Просмотров: 1155
 Къарачай-Черкесия Эресей Федерацияны чекчи субъектлерини бириди.
Ол къыбыла джанында Абхазия бла, андан ары джанында Гюрджю бла эмда Къыбыла Тегей бла чеклешиб турады. Эресейни ырджысы да алайтын ётеди. Ол чеклени уа Эресейни Къоркъуусузлугъуну федерал къуллугъуну КъЧР-де орналгъан Чекчи управлениесини къуллукъчулары сакълайдыла.
Къарачай-Черкесияны Башчысы Темрезланы Рашид бла Чекчи управлениени тамадасы генерал-майор Кудрявцев Юрий, аскер бёлекни 100-джыллыгъын белгилерни аллы бла тюбешиб, эки арада иш джюрютюулени джетишимлерини, арада байламлылыкъны андан ары игилендириуню  джолларыны юслеринден сёлешгендиле.

Подробности
Просмотров: 1086

 Хычаманны 9-да Къарачай-Черкес Республиканы Башчысы Темрезланы Рашид 100 джыл толгъан Хубийланы Шонайны джашы Мустафагъа юбилейи бла байламлы Эресей Федерацияны Президенти В.В.Путинни энчи алгъышлауун берди. 

Андан сора республиканы  Башчысы ветеранны Къарачай-Черкес Республиканы баш саугъасы бла – «Къарачай-Черкес Республиканы аллында махтаулу ишлери ючюн» деген орден бла - саугъалады. Хубийланы Мустафа, Ейскеде аскер-тенгиз авиация училищени тауусуб, Уллу Ата джурт къазауатны заманында Къара тенгиз флотну бешинчи гвардия авиация полкунда къуллукъ этгенди. Къазауатны аллындан артына дери ётгенди.

  • Вы здесь:  
  • Главная