Подробности
Просмотров: 680
КъЧР-ни сейирлик табигъаты Эресейни джер-джеринден да, тыш къралладан да кёб туристни эсин кесине бургъанлай турады. Аны бла туристлени саны джылдан джылгъа ёсе барады. Быйылны бусагъатха дери кёргюзюмлерине кёре туристлени саны былтыргъы эсебледен да аслам болгъанды. Къуру ётген айланы ичинде республикабызгъа келген туристлени саны 730 минг адамдан атлагъанды. 2018-чи джыл бла тенглешдирсек, бизге келиб солугъан туристлени саны 12 процентге ёсгенди.
КъЧР-де туризмни айнытыу бла байламлы ишлеге къарагъан къуллукъчула эсеблегеннге кёре, 2019-чу джылны аягъына республикабызгъа келиб солурукъ къонакъланы саны 1,500 мелиуан боллукъду. Былтыр а бизге 1, 350 мелиуан адам келген эди солургъа.

Подробности
Просмотров: 539

Къарачай-Черкес Республиканы Башчысы Темрезланы Рашидни аманаты бла республиканы къурулуш эмда фатар-коммунал мюлкюню министри Евгений Гордиенко Джёгетей Аягъы районда кенгеш бардыргъанды.

Аны ишине Къарачай-Черкес Республиканы окъуу бла илму министри Инна Кравченко, Джёгетей Аягъы муниципал районну башчысы Лайпанланы Мурат, Гюрюлдеуюк элни башчысы Айбазланы Хыйса эмда «Карачаевочеркесавтодор» РГКУ-ну управлениесини келечилери да къошулгъан эдиле.

Подробности
Просмотров: 857

  Бу кюнледе РФ-ны Ич ишлерини министерствосуну КъЧР-ни бёлюмюню тамадасы Игорь Трифоновну башчылыгъы бла джыйылыу болду.
Мындан алда, элия (июль) айны 1-де 34 джыл болгъан черкесскечи тиширыу 8 джыл болгъан джашчыгъы бла 7 джыл болгъан тенгчиги кёб фатарлы юйню арбазында ойнай тургъанлай, тас болгъан хапарны полициягъа билдирген эди. Сабийлени излеуге талай къуллукъчу къошулгъан эдиле.

Подробности
Просмотров: 517
Къарачай-Черкес Республиканы ич ишлерини министри Игорь Трифонов МВД-ны коллегиясыны джыйылыуун бардырды. Ол 2019-чу джылны биринчи джарымында этилген ишлеге аталгъан эди.
Джыйылыугъа КъЧР-ни прокуроруну орунбасары Махов Артур, бу министерствону бёлюмлерине, шахарла бла районлада полицияны бёлюмлерине башчылыкъ этгенле да келген эдиле.

Подробности
Просмотров: 569
Уллу Ата джурт къазауатны заманында кавказ ауушла ючюн баргъан урушланы джоллары бюгюн-бюгече да тинтилиб бошалмагъандыла. Джыл сайын джаш адамла джыйылыб, тинтиу-излеу ишле бардыра, ауушлагъа чыгъадыла.
Быйыл регионла арасы тау ауушлагъа чыгъыу слётха Эресейни башха регионларындан Къарачай-Черкес Республикагъа 200-ден артыкъ джаш адам келликди.
КъЧР-ни Правительствосунда тау ауушлагъа чыгъыуну регионла арасы слётуна хазырланыу ишлени бардыргъан къурау комитетни кенгеши болду.

Подробности
Просмотров: 565

Къарачай-Черкес Республикада регионла арасы джаяу джол ачыллыкъды.
«Республиканы Башчысы Темрезланы Рашидни Чакъырыууну тамалында «Архыз – Красная Поляна» тау джаяу джол ишлениб башланныкъды. Ол ишни республиканы Туризмини, курортларыны эмда джаш тёлю политикасыны министерствосу бла КъЧР-ни Спорт туризмини федерациясы бирге бардырлыкъдыла. Джолну тамалы салыннганды, аны 9 кюнню ичинде ётерге боллукъду.

Подробности
Просмотров: 662

 

Элия (июль) айны 17-де федерал эмда Къарачай-Черкесияны кёбчюлюк информация мадарларыны келечилери КъЧР-ни джолларында пресс-тургъа къошулуб, регионну федерал джолларында къурулуш эмда джангыртыу ишлеге къарагъандыла.

«Биз регионда джолларыбызны агъачлыкъларын эмда джангыртыу ишлени къалай бардырылгъанларын кесигиз кёзюгюз бла кёрюрча къурагъанбыз пресс-турну. Бюгюн джоллагъа ремонт этилген джерлени барына да барлыкъбыз», - дегенди «Кавказ» деген федерал джол управлениени республикан бёлюмюню тамадасыны орунбасары Анатолий Озов журналистлеге.

Подробности
Просмотров: 581

 

Джангы окъуу джылны аллында Къарачай-Черкес Республиканы 10 районунда «Точка роста» деген 19 окъуу аралыкъ ачыллыкъды.

Къарачай-Черкес Республиканы Правительствосуну Председатели Аслан Озов республиканы Окъуу бла илму министерствосуну келечилери, муниципал районланы башчылары бла бирге Хабез, Абаза, Адыге-Хабль эмда Ногъай районланы бир бёлек эллеринде болгъанды. Ала «Образование» деген миллет проектни «Современная школа» деген федерал проекти эл школлада къалай толтурулгъанына къарагъандыла.

Подробности
Просмотров: 543

Алийланы Умар атлы Къарачай-Черкес кърал университетни тамалында къуралгъан, Къарачай-Черкес Республиканы фахмулу сабийлерине кёлтюргючлюк этген «Талант и успех» деген  аралыкъ, экономиканы баш школуну лицейи бла бирге джайгъы гуманитар-математика школну къурагъанды.

 Анда республиканы фахмулу сохталары билим алгъандыла.

  • Вы здесь:  
  • Главная