- Подробности
- Просмотров: 1162
Къарачай-Черкесде уа 1922-чи джыл алчы таулу джашла бла къызла область организациясын къурагъандыла.
- Подробности
- Просмотров: 723
Анга кёре, КъЧР-ге керекли инвестицион проектле, джарашдырыб, аланы ишлетиб тургъанланы хайырларына салыннган льготалы налогла 13,5 процентден 12,5 процентге тюшюрюлгендиле. Бу джорукъ 2020-чы джылгъа дери кючюнде турлукъду.
- Подробности
- Просмотров: 739
Къарачай-Черкесия, Адыгея, Къабарты-Малкъар, эртдеден бери да бир-бирлери бла къарнаш шохлукъда джашагъанлай, араларында тюрлю-тюрлю иш джюрютюуле бардыргъанлай келедиле. Ол иш джюрютюуле алагъа тюрлю-тюрлю санагъатлада алгъа барыргъа, ёсерге, кенгерирге болушханлай да турадыла.
Аны бла да къалмай, ала бу юч республикада джашагъан къарнаш миллетлени бир-бирлерине ары дериден да бек джууукълашдырадыла. Аны себебли Къарачай-Черкесияны, Адыгеяны, Къабарты-Малкъарны башчылары Темрезланы Рашид, Кумпилов Мурат, Коков Казбек, Майкопда тюбешиб, бу юч республиканы араларында байламлылыкъланы андан ары бардырыу бла аланы кенгертиуню джолларын сюзгендиле. Тюбешиуге ала бла бирге Къарачай-Черкесияны, Адыгеяны, Къабарты-Малкъарны толтуруучу властлары бла администрацияларыны келечилери да баргъандыла. Къарачай-Черкес Республиканы делегациясыны къурамына КъЧР-ни Правительствосуну Председатели Озов Аслан бла республиканы Башчысы бла Правительствосуну Администрациясыны тамадасы Озов Мурат киргендиле.
- Подробности
- Просмотров: 664
Джыйылыуда 2019-чу джыл бла 2020-чы эмда 2021-чи джыллагъа этилген федерал бюджетни бюджетле арасы иш джюрютюулеге эмда Эресей Федерацияда субъектледе комплексли планны модернизациясыны ишлери бла миллет проектлени толтурууну болумларына къаралгъанды.
РФ-ны министрлери, субъектлени башчылары сюзюлген ишлени юслеринден оюмларын айтыб сёлешгендиле. Неден да алгъа ала анда къаралгъан 12 миллет проектни къайсыларына къошуллукъларын билдиргендиле.
- Подробности
- Просмотров: 666
Къарачай-Черкесияны Башчысы Темрезланы Рашид бла Муслиманланы республикан дин управлениелерини къадысы, Дружба элни имамы Катчиланы Ибрахим хаджи мындан алда болгъан тюбешиулеринде ол сорууну джууабы бла байламлы ишлени сюзгендиле.
Сёзден, джаш тёлюню ариу халиге юретиу джаны бла Къарачай-Черкесияны Муслиманларыны дин управлениеси бардыргъан ишлеге, аланы ичинде джаш адамлагъа дин билим бериуню мадарлары бла амалларына къарагъандыла.
- Подробности
- Просмотров: 815
Черкесск шахарда дагъыда РТРС-2 экинчи мультиплекси бла да СТС, ТНТ, Рен ТВ, Пятница, Спас, Домашний, Звезда, ТВ 3, Мир, Муз ТВ каналла кёргюзюледиле.
- Подробности
- Просмотров: 691
Къарачай-Черкесияны багъалы джамагъаты! Барыгъызны да кърал байрам бла – Халкъланы биригиулерини кюню бла – таза джюрекден исси алгъышлайбыз!
1612-чи джыл бизни къралыбызны джазыуу этилген джыл болады. Ол джыл Минин бла Пожарский башчылыкъ этген дружина Москваны поляк оккупантладан тазалайдыла. Халкъны джигитлиги Эресейни бирикген уллу эмда кючлю кърал болуруна себеблик этеди.
Хорлам тюрлю-тюрлю динлени, миллетлени, тукъумланы бирикдиреди. Эресейчилени джигитликлери, бирикмекликлери бла Ата джуртну сюйгенлери халкъны не къыйын сынаудан да сый бла ётерине кюч-къарыу бередиле.
Бюгюн биз башчылыгъыны эм сыйлы борчу сабийлени тамблаларына, абадан тёлюню джашауун иги этерге, халкъны иннет-тин халисин, рахатлыгъы бла келишмеклигин сакълау болгъан, ёсе, бегий баргъан Эресейде джашайбыз.
- Подробности
- Просмотров: 690
Багъалы джердешле!
1943-чю джылны абыстол (ноябрь) айыны 2-си къарачай халкъ бла бютеу Къарачай-Черкесияны джашауларында къара кюнлени бириди. 75 джылны мындан алгъа, терсликлери болмагъанлай, мингле бла къарачай юйдегиле, джалгъан терслеуле салыныб, туугъан джерлеринден Орта Азия бла Къазахстаннга кёчюрюлгендиле. Ол халкъны юсюнде зулмулукъ алай бла башланыб, 14 джылны баргъанды.
Ол заманда джуртларындан къысталыргъа буюрулгъанладан кишиге да кечим салынмагъанды. Эркишилери Ата джуртлары ючюн къазауатда къан тёгюб айланнган заманда аланы сабийлерин, къартларын, тиширыуларын киши джерлеге ашыргъандыла.
- Подробности
- Просмотров: 885
Къарачай-Черкесияны адамлары, Керчь шахарда ажымлы ёлгенлени эсге тюшюре, алагъа атаб Черкесскеде Джигитлени Аллеясында гокка хансла салдыла. Анга КъЧР-ни Халкъ Джыйылыууну (Парламентини) Председатели Александр Иванов, Правительствону Председатели Аслан Озов, республиканы Башчысыны эмда Правительствону Администрациясыны къуллукъчулары, депутатла, джамагъат бирлешликлени, политика партияланы, школланы келечилери келген эдиле.
