- Подробности
- Просмотров: 1848
Росавтодоргъа бойсуннган «Кавказ» ФКУ Упрдор КъЧР-де Уллу Ставрополь каналны юсю бла А-165 Лермонтово-Черкесск трассада кёпюр ишлеб башларгъа хазыр болгъанды. 1964-чю джыл хайырланыугъа теджелген кёпюр да алай тургъанлай, аны къатында темирден 100 тонна ауурлукъну кёлтюрлюк кёпюр ишленникди.
65 метр узунлугъу болгъан кёпюр Къарачай-Черкес Республиканы ара шахарын бир-бири бла байламлы этгенден сора да, белгили Архыз, Доммай курортла эмда Кавминвод шахар бла да байларыкъды.
- Подробности
- Просмотров: 793
Мындан алда КъЧР-ни Башчысы Темрезланы Рашид уллу магъанасы олгъан темагъа аталгъан кенгеш бардыргъанды.
2019-чу джыл башил (январь) айны 15-де Эресей Федерацияны бютеу джеринде, 100 мингден артыкъ адамы болгъан шахарланы санамай, эфир аналог телевидение бериуле тыйыллыкъдыла. Бютеу кърал, аны ичинде Къарачай-Черкесия да болуб, 20 телевизион каналы болгъан, джер бла баргъан, хакъсыз цифралы телевизион бериулеге кёчерикди.
Регионну Башчысы Темрезланы Рашид билдиргенден, ол муратны толтурур ючюн, Минкомсвязь, РТРС, кърал властны органлары биригиб, кёб иш этгендиле. Къуру бизни республиканы джеринде, цифралы телевизион сигналланы иги берирге деб, 45 цифралы станция ишленнгенди. Цифралы бериуле республикада 99,8 процентге джетселе да, тау джерледе орналгъан узакъ элледе джашагъан миллет бериулени джангы форматы бла хайырланалмайды. Къарыусуз джашагъанла кеслери цифралы бериулеге керекли оборудованиени алалмай къыйналыргъа боллукъдула.
- Подробности
- Просмотров: 715
Ала больницаны терапия, ара стерилизацион бёлюмлеринде, ашарыкъ блокда толу ремонт къалай этилгенине къарагъандыла. Бёлюмле бла ашарыкъ блок быйыл аууз-герги (октябрь) айны 22-де ишлеб башлагъандыла.
- Подробности
- Просмотров: 732
Кенгешни ишине Къарачай-Черкесияны Правительствосуну Председатели Аслан Озов, КъЧР-ни Башчысыны Администрациясыны тамадасы Мурат Озов, Правительствону членлери къошулгъандыла.
Кенгешни кёзюуюнде «Демография», «Здравоохранение», «Образование», «Жильё и городская среда», «Наука», «Малое и среднее предпринимательство и поддержка индивидуальной предпринимательской инициативы», «Производительность труда и поддержка занятости», «Безопасные и качественные автомобильные дороги» деген миллет проектлени къурауну сорууларына къаралгъанды.
- Подробности
- Просмотров: 794
Мындан алда Къарачай-Черкесияны ара шахарында дуниягъа белгили эресейчи актёр Василий Лановой чыгъармачылыкъ ингирини тамалында республикада Уллу Ата джурт къазауатны ветеранларын, регионал властны келечилерин алгъышлаб, аланы «Эресейни ёлюмсюз полку» деген Бютеуэресей джамагъат къозгъалыуну Сыйлы грамоталары бла саугъалады.
«Сау бол Къарачай-Черкесия, мен сизге бек разыма. Кертиси бла мында джамагъатдан джылыу урады, хар ишиме разы болуб къарайды. Энди мен «Къарачай-Черкесияны махтаулу артисти» болгъаным себебли, сизге кесими юйюме келгенча, дженгил-дженгил келе турлукъма», - деди Василий Лановой джыйылгъанланы алларында сёлеше.
- Подробности
- Просмотров: 751
Анда сёз Къарачай-Черкесияны «Саулукъ сакълау» деген миллет проектге кийириуню юсюнден баргъанды. Ол ишге къошулгъанланы арасында Къарачай-Черкесиядан Федерацияны Советини члени Салпагъарланы Ахмат, вице-премьер Джанибек Суюнов, Къарачай-Черкес Республиканы Москвада дайым тургъан келечиси вице-премьер Мадина Гогова, саулукъ сакълауну министри Шаманланы Казим, регионда тамырлагъа (сосудлагъа) къарагъан аралыкъны тамадасы Темрезланы Марат болгъандыла.
- Подробности
- Просмотров: 755
Темрезланы Рашид КъЧР-ни Башчысы болгъанлы республиканы джамагъатына кёб иги зат этгенди. Джангы школла, сабий садла, спорт комплексле, кёпюрле ишлениб, хайырланыугъа берилгендиле. Бу арт кёзюуде уа бизни республикада джолла ишлеуге уллу эс бёлюннгенди. Сёз ючюн, бусагъатда федерал магъанасы болгъан «Черкесск-Архыз» джолну Джёгетей Аягъы районда иги кесегин толусу бла джангырта турадыла. Башхача айтсакъ, кенгертгендиле.
- Подробности
- Просмотров: 834
Эсигизге салайыкъ, Сбербанк бла Эресей Федерацияны Эл мюлк министерствосу агропромышленность комплексни предприятиелерине программагъа кёре льгота кредитле берирча кесаматха къол салгъан эдиле.
- Подробности
- Просмотров: 1112
Озгъан ыйыкъда бютеу къралдача, Къарачай-Черкесияда да Эресейни ич ишлерини органларыны къуллукъчуларын санагъат байрамлары эмда Эресейчи полиция къуралгъанлы 300 джыл толгъан юбилейи да кенг белгиленди.
Къууанч джыйылыугъа Къарачай-Черкесияны ич ишлерини министри Трифонов Игорь, КъЧР-ни Правительствосуну Председатели Озов Аслан, республиканы Правительствосуну эмда Администрациясыны башчысы Озов Мурат, Халкъ Джыйылыууну (Парламентини) депутатлары, ФСБ-ны КъЧР-де управлениесини тамадасы Кобыляченко Игорь, Къарачай-Черкес Республиканы Баш сюдюню председатели Семенланы Руслан, Росгвардияны КъЧР-де бёлюмюню тамадасы Сылпагъарланы Рашид, джамагъат бирлешликлени, республиканы шахарлары бла районларыны келечилери, кюч эмда надзор ведомстволары, МВД-ны энчи къурамы, ич ишлерини органларыны ветеранлары, эмда башхала келген эдиле.
