- Подробности
- Просмотров: 683
«Виктор Антонович кёб джылны узагъына Эресейни уллу баш окъуу заведениесине тамадалыкъ этеди. Баш окъуугъа, билимли кадрла хазырлаугъа терен эс бёлюб кюрешгени ючюн, университет къралыбыздан тышында да белгилиди. Былайда тыш къралладан кёб студент келиб окъургъа излейди. Ол Виктор Антоновични, университетни коллективини кючюнденди. Андан сора да юбиляр регионну башха окъуу заведениелерини, Къарачай-Черкесияны окъуу заведениелери да аланы ичинде болуб, ёсюмлерине уллу юлюш къошады. Аны чертиб айтыргъа тыйыншлыды. Биригиб джаш тёлюге хайыр келтирген ишле этгенибиз ючюн, разылыгъымы билдирирге излейме. Мындан ары да бирге ишлеригибизге ийнанама.
- Подробности
- Просмотров: 703
Къарачай-Черкесияны Башчысы Темрезланы Рашид эресейчи делегацияны къурамына Эресей Федерацияны Президенти Владимир Путинни буйругъу бла къошулгъанды.
Алай бла Темрезланы Рашид бла Александр Иванов Конгрессни 36-чы пленар кенгешини ачылыуунда болгъандыла. Баш тема «Мэры на страже демократии» болгъанды. Кенгешни кёзюуюнде сессиялада джергили эмда муниципал дараджада демократияны, муниципал ачыкълыкъны ёсдюрюуде орун алгъан соруула сюзюлгендиле. Европаны Советини джергили эмда регионал властларыны конгресси, европачы регионла бла шахарланы тамадалары бла хайыр келтирлик ушакъ этгенлерини, сынам алмашдыргъанларыны магъанасы уллуду.
- Подробности
- Просмотров: 796
Джыйылыуда социал-экономика джаны бла республикабызда этилген эмда этиллик ишлени сюздюле. Аны бла бирге, школ сабийле джай солургъа чыкъгъан заманда къайсы лагерледе, къалай солурукъларына хазырланыу ишлени баргъанларына артыкъ да эс бёлюндю.
Джыйылыуда ачыкъланнганнга кёре, быйыл джай бизни республиканы эллеринде, шахарларында джашагъан 11 минг сабий лагерледе солурукъдула.
Республиканы Башчысы КъЧР-ни Правительствосуну Председателини заместители Чеккуланы Хызыргъа Роспотребнадзор бла эмда башха джууаблы ведомствола бла бирге, сабийлени джай солурукъларыны юсю бла байламлы этилирге керекли ишлени ачыкълады. Башчы айтханнга кёре, сабийлени ашагъан, джукълагъан, саулукъларына къаратхан, ойнагъан, билим алгъан джерлери кърал бла белгиленнген излемча иги болургъа керекдиле.
- Подробности
- Просмотров: 743
Ёзденланы Мусса Первомай элни, андан сора Ючкекенни орта билим берген школларыны директору болуб ишлегенди. Андан сора халкъ окъууну район бёлюмюню тамадасы къуллукъну толтургъанды. Бусагъатда Гитче Къарачай районну къартларыны советини тамадасыды.
Кърал аны къыйынына багъа бере, кёб тюрлю саугъала бла саугъалагъанды. Аланы арасында РСФСР-ни Билим министерствосуну грамоталары, талай медалы бардыла.
Ол башчылыкъ этиб районда джергили Джигитлени аллеясы ачылгъанды. Магомет-Алийни джашы Муссаны аты кёкде джулдузланы бирине аталгъанды. Ол Гитче Къарачай районну сыйлы адамыды.
- Подробности
- Просмотров: 656
Черкесскени Маданият юйюнде Эресей Федерацияны Миллет гвардия аскерлерини кюнюне аталгъан къууанч джыйылыу болгъанды.
Ол джыйылыугъа келгенлени арасында Къарачай-Черкес Республиканы Башчысы Темрезланы Рашид, Халкъ Джыйылыууну (Парламентини) Председатели Александр Иванов, Правительствосуну Председатели Аслан Озов, республиканы Халкъ Джыйылыууну депутатлары, закон-джорукъ сакълагъан структураланы, властны федерал органларыны бёлюмлерини тамадалары Эресей гвардияны аскерчилери башхала бар эдиле.
Залгъа Эресей Федерацияны Кърал байрагъы бла Эресейни Миллет гвардиясыны аскерлерини байрагъын кийиргенлеринден сора, Эресей бла Къарачай-Черкесияны Кърал гимнлери согъулдула.
Эресей Федерацияны Миллет гвардиясыны аскерлерини Башчысы, аскерни генералы Виктор Золотов джыйылгъанланы алгъышлады.
- Подробности
- Просмотров: 669
Джыйылыуда аманлыкъны тохтатыуну джангы мадарлары бла джорукъларыны эмда аланы джашауда орунлу этиуню юслеринден сёлешинди. Кенгешге Эресей Федерацияны Президентини Шимал Кавказ федерал округда Толу эркинликли келечисини болушчусу Николай Дорожко, КъЧР-ни Халкъ Джыйылыууну (Парламентини) Председатели Александр Иванов, джорукъ сакълаучу органланы тамадалары, Правительствону членлери, районлада, шахарлада терроргъа къаршчы комиссияланы келечилери келген эдиле.
Джыйылыуну КъЧР-ни Башчысы Темрезланы Рашид ачыб, Эресей Федерацияда быллай аманлыкъла аз бола баргъанларын чертди. Озгъан он джылны ичинде 997-ден былтыр тогъузгъа тюшгенин билдирди. Терроргъа къаршчы кюрешгенле ишлерин таб къурай билгенлери бла хар джыл сайын болургъа тебреген 20 аманлыкъ иш ачыкъланыб, аланы этерге излегенле тутулуб тургъанларын да айтды.
- Адамланы террорист къоркъуудан сакълар ючюн, алагъа къаршчы кюрешни джангы мадарларын, джорукъларын хайырландырыргъа керекди. Эресейни Президенти В.В. Путин да аны айтады. Бу аманлыкъ чыгъар деб ишекли болурча джерледе, артыкъ да уллу сакълыкъ керекди. Къуру джорукъ сакълаучу органла болуб къалмай, джергили властланы къуллукъчулары да профилактика ишге магъана берирге тыйыншлыдыла. Бу муратлагъа джетер ючюн кеслерини профессионал усталыкъларын ёсдюрюрге да керекдиле, - деди республиканы Башчысы.
- Подробности
- Просмотров: 790
Темрезланы Рашид айтхандан, Элни джылында шахарлада, элледе орун алгъан «Жильё и городская среда», «Формирование комфортной городской среды», «Обеспечение устойчивого сокращения аварийного жилищного фонда» деген программалагъа терен эс бёлюннюкдю. Ол программаланы тамалында социал эмда коммунал инфраструктураланы объектлери ишленникдиле, паркла джарашдырылыб, айбат тюрсюн аллыкъдыла. Адамла таб солурча, солуу заманларын зауукълу ашырырча мадарла къураллыкъдыла. Аны тышында республиканы джылыу берген комплексини реконструкциясы этилликди. Адамлагъа таза суу бериу иги боллукъду.
Джёгетей Аягъы шахарда Шохлукъну паркыны реконструкциясы да бардырыллыкъды. Шахарны айбат этиуде ол уллу проектлени бириди.
- Подробности
- Просмотров: 674
Цифралы эфир телевидениеге кёчерге излеб, ангыламагъаныгъызны сорургъа излесегиз, кече-кюн деб къарамай, Эресейни ичинде хакъсыз 8-800-220-20-02 номерли телефоннга къонгурау ачаргъа боллукъсуз. Сизни сорууларыгъызгъа ишлерин кескин билген устала тыйыншлы джууабла берликдиле.
- Подробности
- Просмотров: 732
Къонакълагъа сабийле джарашдыргъан, къурагъан затланы, мийик технологияланы кёргюзгендиле. Ол кёрмюч илму, окъуу программаны тамалында бардырылгъанды. Къабарты-Малкъар аллай затха биринчи кере къошулады.
«Кюнлю шахар» деген академияны къурамына кирген «Кванториум» технопарк бла фахмулу сабийлени лицейи да кеслери чыгъаргъан эмда башха затланы кёргюзгендиле.
Эресейни юч субъектини башчылары да чыгъармачылыкъ академияны сабийлерин къонакъгъа чакъыргъандыла. Темрезланы Рашид бла Казбек Коков аралыкъны сабийлери Къарачай-Черкесиягъа барлыкъларыны юсюнден келишгендиле. Ала бизни республикада Зеленчук районда Эресей академияны астрофизика обсерваториясын кёрлюкдюле. «Джашил айрымканда» болгъан кёб тюрлю сейир затха къарарыкъдыла.
