- Подробности
Къарачай-Черкесияда наркотикле ичиб туруб, артда реабилитация курсланы ётгенлеге сертификатла берилиб башланнгандыла.
Бу джумуш «Немедицинская реабилитация и ресоциализация наркопотребителей в Карачаево-Черкесской Республике на 2016-2020 годы», «Социальная защита населения в Карачаево-Черкесской Республике на 2014-2020 годы» деген программаланы джашаугъа сингдириу бла байламлыды.
Бу иш бла КъЧР-ни Урунуу бла социал ёсюмюню министерствосу уллу сынамы болгъан «Реабилитационный центр «Общество без наркотиков» деген коммерциягъа кирмеген автоном организация бла бирге кюрешеди. Джыл сайын бу реабилитацион аралыкъда 70-ге джууукъ адам кеслерин бакъдырадыла.
2017-чи джыл бизни реабилитацион аралыкъ Наркотиклеге къаршчы миллет союзну къурамына киргенди, нек десенг, аны ишине федерал эмда халкъла арасы дараджада тыйыншлы багъа берилгенди.
- Подробности
Къарачай-Черкес Республикада 2022-чи джылгъа дери 1000 арбаз бла адамла джюрюген, джыйылгъан, кёб болгъан 150 джер джарашдырылыб, айбат тюрсюн аллыкъды.Ол иш «Шахар таблыкъла къурау» деген проектни джашаугъа кийире, Къарачай-Черкес Республиканы Башчысы Темрезланы Рашид быйылны Шахарла бла эллени джарашдырыуну джылы этиб баямлагъаны бла байламлы, этилликди. Анга кёре, бюгюнлюкде республикада 72 муниципал программа къуралгъанды.
Шахарланы, эллени джарашдырыуну ишлерине къарагъан ведомствола арасы комиссияны кенгеши болгъанды. Аны Къарачай-Черкесияны Правительствосуну Председателини орунбасары Сергей Смородин бардыргъанды. Комиссияны кенгешине къошулгъанланы арасында Россияны Президентини Шимал Кавказ федерал округда Толу эркинликли келечисини аппаратыны федерал инспектору Юрий Ясько, Къарачай-Черкес Республиканы Джамагъат палатасыны председатели Вера Молдованова, КъЧР-ни къурулушуну эмда фатар-коммунал мюлклерини министри Евгений Гордиенко, профилли министерствола бла ведомстволаны келечилери бар эдиле.
- Подробности
Зеленчук стансени 3-чю орта школуну 11-чи классыны сохтасы Магомед Фаллахи Россия Федерацияны Президентин сайлаугъа аталгъан интернет-олимпиадада ючюнчю орунну алгъанды.
Бу олимпиаданы РФ-ны Ара сайлау комиссиясы къурагъанды.
КъЧР-ни Башчысыны эмда Правительствосуну Администрациясыны тамадасы Салпагъарланы Эльдар бла Россияны Ара сайлау комиссиясыны члени Сиябшах Шапиев Магомедни алгъышлагъандыла, КъЧР-ни Башчысыны Бюсюреу къагъытын бериб, окъууда мындан ары да джетишимле теджегендиле.
Сайлаула тыйыншлы дараджада ётер, джаш адамланы аланы джорукълары бла шагъырей этер ючюн, РФ-ны АСК-сы (ЦИК) 2017-чи джыл ноябрны 1-ден декабрны 25-не дери сохталаны арасында интернет-олимпиада бардыргъанды.
Ол эки къауумгъа юлешиниб ётгенди: регионал эмда федерал Федерал дараджада. Федерал дараджада бардырылгъан олимпиада официал сайтны сервислерини юсю бла ётгенди. Анга къошулгъанланы тестге, болумгъа берген джууабларына эмда творчество ишлерине къаралгъанды.
Интернет-олимпиаданы эсеблерин ишден терен хапарлы адамладан къуралгъан жюри чыгъаргъанды.
- Подробности
Получить выплаты можно на первого и второго ребенка. Обладателем выплаты смогут стать семьи, в которых доход на одного из родителей ниже полуторакратного прожиточного минимума, и, если ребенок родился или был усыновлен после 1 января 2018 года. Отметим, что ежемесячные выплаты на второго ребенка, такие семьи смогут получить из средств «материнского (семейного) капитала».
Подробнее: Услуга по оформлению ежемесячных выплат на детей появилась в МФЦ КЧР
- Подробности
Мындан алда Россиячы миллет гвардияны аскерлерини федерал къуллугъуну директоруну 1-чи заместители, генерал-полковник Меликов Сергей КъЧР-ни Башчысы Темрезланы Рашидни Россиячы миллет гвардияны Шимал Кавказ округда аскерлерини башчысыны борчларын толтуруб башлагъан генерал-лейтенант Конюшкин бла танышдыргъанды.
Талай кюнню алгъа Россиячы миллет гвардияны аскерлерини федерал къуллугъуну директоруну биринчи орунбасары, генерал-полковник Меликов Сергей Къарачай-Черкес Республиканы Башчысы Темрезланы Рашидни аны бла танышдыргъанды.
Ол тюбешиуню кёзюуюнде Темрезланы Рашид бла Меликов Сергей республиканы властлары бла Россиячы гвардияны, аны кибик Россия Федерацияны бирси джорукъ сакълаучу органларыны араларында иш джюрютюуню юсюнден сёлешгендиле. Ала неден да алгъа Россия Федерацияда барлыкъ президент сайлауланы кёзюулеринде да, андан ары заманда да Къарачай-Черкесияда джамагъат мизам къаты сакъланырча этерге кереклисин чертгендиле. «Биз, - дегенди Меликов Сергей, тюбешиуде сёлеше, - Къарачай-Черкесияда джашагъанланы джамагъат къоркъуусузлукъларын сакълауну, аланы конституцион эркинликлерин къоруулауну баджарыуну уллу магъанасы болгъанын бек ариу билебиз. Ол борчланы биригиб толтурургъа да кюреширикбиз».
Последние новости
Популярное
Документы
В лицах
