- Подробности
Бу кюнледе Къарачай-Черкес Республиканы Къобан районунда иги ишлеген элчилеге саугъала бергендиле.
«Бюгюн биз 2018-чи джылны ичинде эл мюлкде этилген ишлени ахыр эсеблерин чыгъарабыз. Джылны аллында салыннган борчла хазна къалмай толгъандыла. Алай болса да, бир къауум сорууну оноуу этилирге керекди. Бизни баш муратыбыз, районну джамагъатыны джашау дараджасын кёлтюрюудю. Ол джанындан биз планнга кёре ишлегенлей турлукъбуз», - деб хапар айтханды Къобан муниципал районну администрациясыны тамадасы Чомаланы Магомет.
Ол андан ары сёзюнде чертгенден, быйыл этиллик кёб иш барды. Районну адамларын иш къоллу этиуде, саулукъ сакълауда, юй-турмуш санагъатда, билим бериуде орун алгъан соруула да ары киредиле.
«Ала бары да миллет проектледе белгиленнгендиле. Районну адамларыны джашау турмушларын иги этиу, биз ол проектлеге къаллай халда къошулгъаныбызгъа кёре боллукъду.
- Подробности
КъЧР-ни Башчысы Темрезланы Рашид къралны джамагъатын Кърымны эмда Севастополь шахарны Эресейге къошулгъанларыны бешджыллыгъы бла алгъышлагъанды.
«Къралыбызны бютеу джамагъатын Кърымны эмда Севастополь шахарны Эресейге къошулгъанлары бла алгъышларгъа излейме. Беш джылны мындан алда Бютеукърым референдумда кърымчыла кеслери сайлаб, алай бла тарих тюзлюк орнуна тюшгенди - Кърым джарым айрымкан эски орнуна къайтханды. Ол джаз, Кърымны джазы, бютеу дуниягъа ачыкъ кёргюзгенди бир нюзюрню тутуб атлагъан халкъ джетишимлеге джетмей къалмазлыгъын. Бюгюнлюкде Кърым ёсюмню джолунда алгъа таукел атлаб баргъанын барыбыз да кёребиз. Бу джарыкъ иш бла Кърым Республиканы Башчысы Сергей Аксёновну, бютеу кърымчыланы, Севастополну губернатору Дмитрий Овсянниковну эмда ол Джигит шахарны адамларын алгъышлайма! Ол керти да бютеухалкъ байрамды!» - деб джазгъанды Инстаграмда кесини официал бетинде КъЧР-ни Башчысы.
Алтотур айны 18-де Черкесскеде анга аталгъан байрам ишле болгъандыла. Эресей Федерацияны, Къарачай-Черкесияны эмда Кърым Республиканы байракълары бла шахарны орамларында атлагъанлары ол джарыкъ ишлени бири эди.
- Подробности
Мындан алда Къарачай-Черкес Республиканы Правительствосуну Юйюню Гитче залында кенгеш болгъанды. Анда джамагъатны цифралы эфир телевидениеге кёчюрюуге къаллай хазырлыкъ болгъаныны, алгъыннгы телевидениени тохтатыуну сорууларына къарагъандыла.
«Быйыл арттотур (апрель) айны 15-ден республиканы джеринде алгъыннгы телевидениени каналлары тохтарыкъдыла. Къарачай-Черкес Республиканы Башчысы Темрезланы Рашид аны юсюнден кенгеш бардыргъанлы бери 4 ай озду. Бу джаны бла талай иш бардырылса да, баш муратыбызны толтурур дараджагъа джетмегеннге санайма. Алай дегеним, республиканы джамагъаты цифралы телевидениеге кёчерге 100 процент хазырлыкъ джокъду», - дегенди Къарачай-Черкесияны Правительствосуну Председатели Аслан Озов.
Республиканы Премьер-министри белгилегенден, КъЧР-ни Миллет ишлерини, кёбчюлюк коммуникацияла бла басманы хакъындан министерствосу бла Промышленность бла сатыу-алыудан министерствосу адамланы араларында информация материалла джайыу джанындан, биригиб, ишлерге борчлудула.
- Подробности
Бу кюнледе Къарачай-Черкес Республиканы Башчысы Темрезланы Рашид Уллу Ата джурт къазауатны ветераны Николай Александрович Антиповну 95 джыл толгъан юбилейи бла алгъышлаб, саугъалагъанды. Ол анга Эресей Федерацияны Президенти Владимир Путинни алгъышлау къагъытын да бергенди.
Темрезланы Рашид бла Черкесскени мэри Тамбиев Руслан ветеранда къонакъда талай кере болгъандыла.
«Николай Александрович, сиз джигит тёлюню келечисисиз. Биз хар ветеранны сыйын мийикде тутабыз. Биз сизни аллыгъызда хаман да борчлубуз. Джууукъларыгъыз бла, тенглеригиз бла кёб джылланы джашагъыз», - дегенди республиканы Башчысы.
Николай Александрович къазауатха 18 джылында баргъады. Ол 1943-чю джыл биринчи Украин фронтну 40-чы артиллерия полкуна тюшгенди. Ары дери шофёр усталыкъгъа окъугъаны себебли аны «Студебеккер» деб джюк ташыгъан машинагъа шофёр этедиле. Ол машинасы бла къазауатны ачы джолларын ётгенди. Бесланда, Румынияда, Польшада, Германияда болгъанды.
- Подробности
В Карачаево-Черкесии по поручению Главы субъекта Рашида Темрезова более 600 малообеспеченных семей получили бесплатные приставки для приема сигнала цифрового телевидения.
В общей сложности в реестр льготных категорий граждан, которым полагаются бесплатные приставки, включены 1367 человек, 626 из которых уже получили оборудование и помощь в его установке. Оставшаяся часть льготников получит свои приставки до 15 апреля.
Вместе с тем в муниципалитетах республики продолжается подомовой обход жителей и адресное информирование населения о переходе на цифровое вещание.
Жителям республики, обладающим телевизорами, выпущенными после 2012 года, специалисты сообщают об отсутствии необходимости приобретать приставки для цифрового TV. Цифровые телевизоры, предназначенные для использования в РФ, в которые встроен тюнер, принимающий цифровой телевизионный сигнал (формат DVB-T2), достаточно перепрограммировать с помощью пульта.
Специальную приставку следует приобрести при наличии телевизора, выпущенного до 2012 года, для его перевода в цифровой формат.