Къарачай-Черкес Республиканы Башчысы Темрезланы Рашид Москва шахарда Эресей Федерацияны саулукъ сакълау министрини биринчи орунбасары Татьяна Яковлева бла тюбешгенди. 

Тюбешиуню кёзюуюнде «Саулукъ сакълау» деген миллет проектни тамалында керекли ишлени баджарыуну хакъындан сёлешиннгенди.

 

Къарачай-Черкес Республиканы Сайлау комиссиясы кёб функциялы аралыкъланы (МФЦ) къуллукъчулары эмда джергили комиссияланы башчылары бла джыйылыу бардыргъанды.
Джыйылыуну ача, Сайлау комиссияны къурау-методика бла баджарыу эмда иш джюрютюу бёлюмюню тамадасы Елена Джантемирова «Реализация Порядка подачи заявлений о включении избирателя в список избирателей по месту нахождения на выборах депутатов Народного Собрания (Парламента) КЧР шестого созыва» деген докладны окъуду.


Элия (июль) айны 24-де Къарачай-Черкес Республиканы Байрамукъланы Халимат атлы ара библиотекасында джаш тёлю этнокультура фестивалны тамалында «тёгерек стол» бардырылды. «Тёгерек столну» баш темасы – «Джамагъат бирлешликлени миллетле арасы келишиулюкге къошхан юлюшлери».
«Тёгерек столну» Пятигорскеден «Сервис-персонал» деген джамагъат бирлешлик къурагъан эди. Аны ишине КъЧР-ни Миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, КъЧР-ни джамагъат, джаш тёлю бирлешликлерини келечилери эмда башхала къошулгъан эдиле.

Бу кюнледе Байчораланы Мариям атлы Къарачай-Черкес кърал тарих-маданият эмда табигъат музейни-заповедникни мекямында «Дом национальностей» деген, тохтамай ишлеб турлукъ, кёрмюч ачылды.

Кёрмючню ачылыууна Къарачай-Черкес Республиканы Правительствосуну Председатели Аслан Озов, республикабызны маданият министри Рамазан Бороков, финансла министри  Сюйюнчланы Мурат, миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, башха кърал ишчиле, республикабызда джамагъат бирлешликлени келечилери, алимле, студентле, тарихни, этнографияны сюйгенле, журналистле джыйылгъан эдиле.

 Арт джыллада Къарачай-Черкес Республикада спорт инфраструктураны къурулушу тири бардырылады.  Районлада, шахарлада спорт аралыкъла, бассейнле, спорт площадкала, футбол тюзле ишленедиле. Саулай да аллай объектле 60-дан асламдыла.

Быйыл Джёгетей Аягъы шахарда физкультура эмда саулукъ сакълау аралыкъ ачыллыкъды. Аны къурулушу къалай бардырылгъанына бу кюнледе Къарачай-Черкес Республиканы Башчысы Темрезланы Рашид къарагъанды. Аралыкъны тамалы уллу спортзалды, анда волейбол, баскетбол, гандбол эмда мини-футбол ойнарча неси да джарашдырыллыкъды.