Къарачай адет бла адамны затын хаух алгъанын ызына, «хайырын кёр», деб къайтарыргъа керекди. Затны иеси ya, «cay бол», деб джууаб берирге керекди.

***

Къарачай адет бла къыз, джаш да джыйын тойгъа чакъырылмай келмегендиле. Юйню къызы нёгерге къарнашын, эки къарнашдан туугъан джашны, кюёуню алыб джыйгъанды къызланы. Той бошалса къызланы джыйгъан джаш, къыз аланы юйлерине ашырыб, алгъыш этиб къайтхандыла.

***

Эркиши сабийге 7-9 джыл болса, къошха чыгъаргъандыла. Ол къошда эртде турургъа, джумуш этерге, бузоуланы эмизмезге юреннгенди. Аны атына да «бузоучу джашчыкъ» дегендиле, джумуш бла бирге ариу халиге да юретгендиле.

***

14-15 джылда джашчыкъ ол джарым чалкъычы болгъанды. Алай дегенибиз: ол уллу джыйыннга къошулмай, бичен ишлегенди. Аны дюрюсюне, сенек ауузларына, гапыналарына, гебен къалагъанына билген адамла багъа бергендиле, джетишдирелмегенин тюзетгендиле.

***

15-17 джылларында джашла кёбюсюне сау (толу) чалкъы тутхандыла.

Ол чалкъычы джыйыннга къошулгъанды, джыйын бла тенг чалкъы тутханды, ууакъ джумушланы да этгенди.

***

Джангы юйдегиде биринчиге джашчыкъ тууса, бешикге бёлеген къууанчха къоз бёрк, джау джиб тагъадыла. Алай болмай къызчыкъ тууса, бешикге къурманлыкъ, той этиб саладыла.

Хубийланы Мариям.